Irına Ten: Qazaq tili - Mámbetterdiń tili

23696
Adyrna.kz Telegram
Foto: cosmo.kz
Foto: cosmo.kz

Tanymal telejúrgizýshi Irına Ten Instagram-daǵy paraqshasynda «Mámbet» sóziniń maǵynasyn túsindirip, jazba jarııalady, dep habarlaıdy “Adyrna” ulttyq portaly. 

«Qazaq tili - Mámbetterdiń tili. Ol ras. «Mámbet» sóziniń maǵynasyn túsine bilgenge. Qazirgi jastardyń sanasyna «Mámbet» degen sóz bir qarańǵylyqtyń, nadandyqtyń balamasy bolyp qabyldanatyny jasyryn emes. Aýyldan kelgen bolsa, kez kelgen bireý sál mádenıetsizdik tanytsa, orysshaǵa tili sál shorqaq bolyp jatsa, tipti jol erejesin buzsa beıtanys bireýdi osylaı ataı salatyndar bar.

Endeshe, bilmegendermen bóliseıin, biletinderdiń esine salaıyn.

«Mámbet – Muhammed (s.ǵ.s.) paıǵambardyń qurmetine qoıylǵan esim. Sóz túbiri arabtyń «hámd» maqtaý sózimen tórkindes. «Muhámmád», «áhmád» sózderi maqtaýly, madaqtaýly degen maǵynany bildiredi».

Al tarıhta úsh júzdiń basyn qosyp, el bastaǵan Abylaı hannyń senimdi serigi bolǵan Mámbet batyr Kúnbasulynyń, Syr eline aty belgili Mámbet áýlıe Oljabaıulynyń esimderi kezdesedi. Ony biri estise, ekinshileri mundaı adamdardyń bolǵanynan da beıhabar.

Kim de kim ekinshi bireýdi kemsitý, tómendetý maqsatynda «mámbet» dep atasa, óziniń bilimsizdigin álemge pash etkeni deıdi. Álem demeı aq qoısaq ta, ózine jáne «qarsylasyna» kimniń shynymen qarańǵy ekenin túsinýin jeńildetedi. Sonymen, qazaq tili - mámbetterdiń tili», - dep jazdy jýrnalıst.

Pikirler