Almaty oblysy Ótegen batyr aýylynda anasy óz balasyn 16 jerden pyshaqtaǵan, dep habarlaıdy “Adyrna” ulttyq portaly. Oqıǵa jaıly Angry_taldyk ınstagram paraqshasy jarııalady.
"Dárigerler balanyń denesinde, arqasynan, moınynan, qoldarynan barlyǵy 16 pyshaq jaraqatyn anyqtady. Anasy tipti ulynyń tamaǵyn pyshaqpen tilgilep úlgergen. Bala shuǵyl túrde operaııa bólimine jetkizildi. Zardap shegýshiniń múshelerin teksergennen keıin, hırýrgtardan, anestezıolog-reanımatologtardan quralǵan dárigerler operaııaǵa kirisken", - dep jazady jazba avtory.
Budan bólek, balaǵa travmatıkalyq jáne gemorragııalyq shok dıagnozy qoıyldy.
"Operaııanyń sátti aıaqtalǵanyn, balanyń jaǵdaıy aýyr, biraq turaqty ekenin bilgennen keıin ǵana men bolǵan oqıǵa jaıynda bólisýdi jón sanadym", - dep jalǵastyrady avtor.
Keıin belgili bolǵandaı, balanyń anasy sońǵy úsh kúnnen beri birtúrli minez-qulyq tanytqan.
"Balanyń anasy keıingi úsh kúnde ózin birtúrli ustaǵany belgili boldy: ol úıdegi barlyq adamnan jasyrynǵan. Áıel ózin Tik-Tok keıipkerleri óltirgisi keletinin aıtqan. Al uly oǵan oıynǵa qatysýshylardyń biri bolyp kóringen", - delingen habarlamada.
Almaty oblysy polıııasy kúdiktiniń ustalǵanyn jáne polıııa bóliminde ekenin málimdedi.
"Saǵat 15:00 shamasynda 10 jasar bala kóptegen pyshaq jaraqatymen Ótegen batyr aýylyndaǵy balalar aýrýhanasyna tústi. Tekserý barysynda balaǵa anasynyń pyshaq suqqany anyqtaldy. Kúdiktige qatysty sot-psıhıatrııalyq saraptama taǵaıyndaldy, ony psıhologııalyq dıspanserge ornalastyrý máselesi sheshilýde. Atalǵan derek boıynsha QR Qylmystyq kodeksiniń 106-baby "Densaýlyqqa qasaqana aýyr zııan keltirý" boıynsha sotqa deıingi tergeý amaldary júrgizilýde. Birqatar saraptama taǵaıyndaldy. Tergeý barysynda istiń barlyq mán-jaıy anyqtalady", - dep habarlady Almaty oblystyq PD baspasóz qyzmeti.
“Adyrna” ulttyq portaly
