Almaty qalasynyŋ Jetısu audanynda jürgızılgen tekserıs barysynda avtobus parkterınde bırqatar öreskel zaŋbūzuşylyqtar anyqtaldy, dep habarlaidy "Adyrna" ūlttyq portaly.
Būl turaly Almaty qalasynyŋ prokuraturasy habarlady.
Vedomstvo mälımetınşe, keibır avtoparkterde jolauşylar tasymalymen tiıstı D sanatyndaǧy jürgızuşı kuälıgı joq, kölık jürgızu qūqyǧynan aiyrylǧan nemese medisinalyq qarsy körsetılımderı bar azamattar ainalysqan. Nätijesınde 34 jürgızuşı qyzmetınen şettetılıp, olarmen eŋbek şarttary būzylǧan.
Sonymen qatar, prokuratura avtopark qyzmetkerlerınıŋ arasynda narkologiialyq jäne psihiatriialyq esepte tūrǧan tūlǧalardyŋ jürgızuşı kuälıkterın jaramsyz dep tanu mäselesın sot arqyly qaraudy josparlap otyr.
Anyqtalǧan zaŋbūzuşylyqtar boiynşa 15-ten astam avtoparkqa qatysty äkımşılık ıs qozǧalyp, tört lauazymdy tūlǧa tärtıptık jäne äkımşılık jauapkerşılıkke tartyldy.
Prokuratura ökılderı mūndai zaŋbūzuşylyqtar jolauşylardyŋ ömırı men densaulyǧyna naqty qauıp töndırgenın atap öttı. Qazırgı uaqytta jürgızuşılerdı baqylau tetıkterın küşeitu, sonyŋ ışınde sifrlyq monitoring jüielerın engızu baǧytynda şaralar qabyldanyp jatyr.
Qadaǧalau organy profilaktikalyq jūmystardy jalǧastyryp, saladaǧy qauıpsızdıktı arttyruǧa baǧyttalǧan jüielı şaralardy jüzege asyratynyn mälımdedı.
