Almaty oblysynda shın zaýytyndaǵy órtti sóndirý jumystary jalǵasýda, dep habarlaıdy "Adyrna" ulttyq portaly.
Almaty oblysy Talǵar aýdany, Jańalyq aýylynda rezeńke dóńgelek shyǵaratyn zaýytty qyzyl jalyn sharpydy.
Mınıstrlik órttiń joǵary temperatýrasy men janǵysh materıaldardyń kóptigi saldarynan sóndirý jumystary kúrdelene túskenin málimdedi. Qazirgi tańda qutqarýshylar joǵary qarqynmen jumys júrgizýde.
112 shuǵyl qyzmetine zardap shekkender týraly aqparat túspegen.
Tótenshe jaǵdaılar mınıstri Shyńǵys Árinov oblysqa jumys sapary barysynda oqıǵa ornyna jetip, órtti sóndirý jumystaryn óz baqylaýyna alǵany habarlandy.
