Memleket basşysy Qasym-Jomart Toqaev Özbekstan Olii Mäjılısı Senatynyŋ töraǧasy Tanzila Narbaevany qabyldady. Būl turaly Aqorda jazdy, dep habarlaidy «Adyrna» tılşısı.
Kezdesu barysynda qazaq-özbek strategiialyq serıktestıgı men odaqtastyq qatynastarynyŋ özektı mäselelerı parlamentaralyq bailanystardy damytu tūrǧysynan talqylandy.
Prezident Qasym-Jomart Toqaev Tanzila Narbaevaǧa ıltipat bıldırıp, onyŋ Astanaǧa sapary Qazaqstan men Özbekstan arasyndaǧy strategiialyq yntymaqtastyqtyŋ airyqşa sipatta örbıp kele jatqanyn rastaitynyn atap öttı.
Memleket basşysy qos halyq arasyndaǧy dostyq, tatu körşılık bailanystardy nyǧaituǧa Özbekstan Olii Mäjılısı Senaty töraǧasynyŋ qosqan ülesın joǧary baǧalady.
– Sızdıŋ saparyŋyz elderımızdıŋ arasyndaǧy dostyq qatynastardy nyǧaitu tūrǧysynan öte maŋyzdy. Bız bauyrlas Özbek elımen yntymaqtastyǧymyzdy damytuǧa erekşe män beremız. Mūny Ortalyq Aziia öŋırındegı tūraqtylyq pen qauıpsızdıktı saqtauda öte maŋyzdy faktor dep sanaimyz. Ekı eldıŋ yqpaldastyǧy neǧūrlym tyǧyz ärı tabysty örbıgen saiyn, jalpy öŋırdegı jaǧdai da tynyş bolady. Sızdıŋ saparyŋyz parlamentaralyq bailanysty keŋeitu üşın şyn mänınde maŋyzdy röl atqarady, – dedı Memleket basşysy.
Tanzila Narbaeva qonaqjailyq tanytqany üşın Qazaqstan Prezidentıne alǧys aityp, Prezident Şavkat Mirziioevtıŋ sälemın jetkızdı.
– Prezidentımız sızge ystyq yqylasyn joldap, alǧa qoiǧan mındetterdıŋ sättı jüzege asuyna tılektestık bıldırdı. Qol jetkızılgen uaǧdalastyqtardyŋ bärı jeke baqylauynda ekenın aitty. Bız – Prezidenttıŋ bükıl komandasy, sonyŋ ışınde Parlament ony ıske asyryp, naqty nätijege qol jetkızu üşın aianbai eŋbek etemız. Özıŋız aitqandai, Özbekstan men Qazaqstan – bır-bırıne eŋ jaqyn ärı senımdı serıktester, – dedı Özbekstan Olii Mäjılısı Senatynyŋ spikerı.
Qasym-Jomart Toqaev pen Tanzila Narbaeva parlamentaralyq diplomatiiany, sondai-aq sauda-ekonomikalyq jäne investisiialyq yntymaqtastyqty odan ärı damytu mäselelerın talqylady. Mädeni-gumanitarlyq bailanystardy nyǧaituǧa airyqşa män berıldı.
Memleket basşysy oraily sättı paidalanyp, Özbekstan Prezidentı Şavkat Mirziioevke jyly lebızın joldady.
Kezdesu soŋynda Prezident Qasym-Jomart Toqaev ekıjaqty strategiialyq serıktestıktı tereŋdetuge sıŋırgen eŋbegı üşın Tanzila Narbaevany II därejelı «Dostyq» ordenımen marapattady.
