Prezident Qasym-Jomart Toqaev Sinhua agenttıgıne bergen ekskliuzivtı sūhbatynda sifrlandyru, jasandy intellekt jäne jaŋa tehnologiialar salasyndaǧy qazaq-qytai yntymaqtastyǧynyŋ keleşegı turaly aitty, dep habarlaidy «Adyrna» tılşısı.
Memleket basşysy älemnıŋ jaŋa tehnologiialyq kezeŋge qadam basyp otyrǧanyn atap öttı.
«Jasandy intellekt, robototehnika jäne avtomattandyru jekelegen salalardy ǧana emes, tūtas ekonomikalyq damu modelın özgertıp jatyr», – dedı prezident.
Qasym-Jomart Toqaev Qazaqstanda 2026 jyl Sifrlandyru jäne jasandy intellekt jyly bolyp jariialanǧanyn, sondai-aq Jasandy intellekt jäne sifrlyq damu ministrlıgı qūrylǧanyn atap öttı. Būdan bölek, elde «Digital Qazaqstan» jalpyūlttyq strategiiasy bekıtılgen.
Prezidenttıŋ sözınşe, Qazaqstan sifrlyq transformasiiany ekonomikany jäne qoǧamdyq ömırdıŋ barlyq salasyn jaŋǧyrtudyŋ negızgı qūraly retınde qarastyrady.
«Sondyqtan sifrlandyru salasynda Qytaimen yntymaqtastyq ornatu elımız üşın asa maŋyzdy. Sızdıŋ elıŋız quatty tehnologiialyq ekojüie qalyptastyryp, jasandy intellekt, robototehnika, elektrondy kommersiia jäne basqa da baǧyttar boiynşa aitarlyqtai jetıstıkterge jettı», – dedı ol.
Memleket basşysy ekı el arasyndaǧy tehnologiialyq ärıptestıktıŋ äleuetı joǧary ekenın aitty. Onyŋ pıkırınşe, önerkäsıp pen tau-ken öndırısınde jasandy intellektını paidalanu, jürgızuşısız kölık, sifrlyq medisina, «aqyldy qalalar», sputniktık tehnologiialar, elektrondy sauda, derekterdı öŋdeu ortalyqtary jäne memlekettık qyzmetterdı sifrlandyru baǧyttarynda bırlesken jobalardy jüzege asyruǧa mümkındık mol.
Sonymen qatar prezident jasandy intellekttıŋ adamzat igılıgı üşın qyzmet etuı qajet ekenın erekşe atap öttı.
«Bızdıŋ pıkırımızşe, jasandy intellekt tehnologiialyq tūrǧydan damyǧan az ǧana memlekettıŋ artyqşylyǧyna ainalmauy tiıs. Sondai-aq ol geosaiasi teketıres pen qysym körsetudıŋ jaŋa qūralyna ainalmauy qajet. Kerısınşe, adamzattyŋ ortaq igılıgıne qyzmet etuı kerek. Barlyq memleket zamanaui tehnologiialarǧa, bılımge jäne esepteu resurstaryna ädıl qol jetkızu mümkındıgıne ie boluy qajet», – dedı Qasym-Jomart Toqaev.
Memleket basşysy būl mäselede Qazaqstan men Qytaidyŋ ūstanymy ūqsas ekenın aitty. Ol biyl şılde aiynda Şanhaida ötken jiynda Qazaqstannyŋ Jasandy intellekt salasyndaǧy yntymaqtastyq jönındegı düniejüzılık ūiymnyŋ (WAICO) negızın qalauşy 29 memlekettıŋ qataryna engenın eske saldy.
«Būl – jasandy intellekt salasyndaǧy halyqaralyq yntymaqtastyqty üilestırudıŋ aşyq ärı tiımdı jüiesın qalyptastyru jolyndaǧy maŋyzdy qadam», – dedı ol.
Odan bölek, Qasym-Jomart Toqaev Qazaqstannyŋ Euraziiadaǧy sifrlyq habqa ainaludy maqsat etetının aityp, Ekıbastūz qalasynda jüzege asyrylyp jatqan «Derekter ortalyqtary alqaby» jobasynyŋ strategiialyq maŋyzyna toqtaldy.
Būǧan deiın Qazaqstanda Qytai kapitalymen 9 myŋnan astam kompaniia jūmys ısteitının jazǧan edık.
