جەتىسۋ وبلىسى قۇرىلعاننان بەرگى ءۇش جىل ىشىندە ءوڭىر اۋماعىندا جاڭادان 11 ساياباق، 5 سكۆەر جانە 2 اللەيا سالىنعان. ال بيىل وعان قوسا جالپى اۋماعى 11.3 گا بولاتىن تاعى 7 جاسىل اۋماق جاسالادى. ولار ەسكەلدى، كوكسۋ، الاكول، قاراتال اۋداندارى مەن تالدىقورعان قالاسىندا. ەلدى مەكەندەردى اباتتاندىرۋ شارالارى «تازا قازاقستان» ەكولوگيالىق باعدارلاماسى اياسىندا قولعا الىنىپ وتىر، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
كوگالداندىرۋ شارالارىمەن قاتار جاسىل جەلەكتى سۋارۋ جۇيەسىن جۇرگىزۋ دە قاراستىرىلۋدا، ياعني جاڭا ساياباقتاردا، سكۆەرلەر مەن اللەيالاردا اۆتوماتتى سۋارۋ، ارىق جۇيەسىمەن ناسوس قوندىرعىلارى ارقىلى سۋارۋ جانە قاجەت جاعدايدا تاسىمالداۋ كولىگى ارقىلى سۋارۋ جۇزەگە اسىرىلماق.
ماسەلەن، تالدىقورعان قالاسىندا ساياباق پەن سكۆەر قۇرىلىسى اياقتالۋعا جاقىن. اتاپ ايتقاندا، «قۇلاگەر» شاعىن اۋدانىنداعى ساياباقتىڭ قۇرىلىسى تامىز ايىنىڭ اياعىندا، ال «بىرلىك» شاعىن اۋدانىنداعى سكۆەردىڭ قۇرىلىسى قىركۇيەك ايىنىڭ سوڭىنا دەيىن بىتەدى دەپ كۇتىلۋدە.
- ساياباقتىڭ اۋماعى 1,2 گەكتاردى قۇرايدى. اۆتوماتتى سۋارۋ جۇيەسىنىڭ جۇمىسىن تەكسەرۋ-ىسكە قوسۋ، گازون توسەۋ جۇمىستارى ءجۇرىپ جاتىر. اعاشتار كۇزگە قاراي ەگىلەدى. قازىر ساياباقتا بالالار ويىن جانە سپورت الاڭى، فۋتبول الاڭى، اتكەنشەكتەر مەن ورىندىقتار قويىلعان دەمالىس الاڭى ورناتىلعان. سول سياقتى جاياۋ جۇرگىنشى جولدارى، ۆەلوجولدار، جارىق شامدارى، باسقا دا اباتتاندىرۋدىڭ زاماناۋي ەلەمەنتتەرى قاراستىرىلعان، - دەيدى دەيدى تالدىقورعان قالالىق تۇكش ءبولىمىنىڭ كوممۋنالدىق سەكتور مەڭگەرۋشىسى راميل راحىمباەۆ.
جەرگىلىكتى تۇرعىندار ساياباققا قازىردەن-اق كەلە باستاعان.
- تالدىقورعان ءوزىنىڭ ىقشامدىعىمەن، تازالىعىمەن، جاسىل جەلەگىمەن ەرەكشەلەنەدى. وبلىس قۇرىلعاننان بەرى وسى قالادا تۇراتىن. قالامىزدىڭ جىلدان جىلعا گۇلدەنىپ كەلە جاتىر. مۇندا تۇتاتىن ادامداردىڭ ءجۇزى جىلى، جايدارى. تالدىقورعاندا تۇرعىن ۇيلەر، كوپتەگەن جاڭا عيماراتتار بوي كوتەردى. «تازا قازاقستان» باعدارلاماسىنىڭ ارقاسىندا كوگالداندىرۋعا كوپ كوڭىل بولىنە باستادى. مىسالى، تۇرعىنداردىڭ ءومىر سۇرۋىنە قولايلى ءارى جايلى جاعداي جاساۋ ماقساتىندا جاڭا شاعىن اۋداندا جاڭا ساياباق سالىنىپ جاتىر. وسىعان بايلانىستى ءبىز دە ماڭايىمىزدى تارتىپكە كەلتىرىپ، تازا ۇستاۋىمىز كەرەك، - دەيدى ايزات جانبولاتقىزى.
اتاپ وتسەك، وبلىس كولەمىندە جالپى اۋماعى 296,3 گا بولاتىن 132 ساياباق، سكۆەر، اللەيالار بار. بۇل رەتتە وبلىس اۋماعىندا بيىلعى كوكتەمگى كەزەڭدە 56 500-گە استام اعاش وتىرعىزىلدى.
