Jetısu oblysynda orta jäne mektepke deiıngı bılım beru mekemelerınde balalardy tamaqtandyru sapasy men olardyŋ qauıpsızdıgın qamtamasyz etudı baqylaityn qoǧamdyq ştab jūmys ısteidı. Osy jyldyŋ qazan aiynda qūrylǧan ştabtyŋ qūramyndaǧy jergılıktı mäslihat deputattary, ükımettık emes ūiymdar ökılderı, «Atameken» käsıpkerler palatasynyŋ aimaqtyq filialynyŋ, barlyq deŋgeidegı qoǧamdyq keŋester men «AMANAT» partiiasy oblystyq filialynyŋ müşelerı jäne belsendı azamattar ekı ai ışınde öŋırdegı 416 bılım mekemesıne, sonyŋ ışınde jekemenşıktegı mekemelerge de monitoring jürgızdı, - dep habarlaidy Jetısu oblysy äkımınıŋ baspasöz qyzmetı.
«Qoǧamdyq baqylau turaly» Zaŋnyŋ aiasynda jürgızılgen monitoring barysynda qoǧamdyq ştab ökılderı tamaqtanu sapasy men qauıpsızdıktı qamtamasyz etuge qatysty negızgı mäselelerden bölek, sanitarlyq-gigienalyq normalar men talaptardyŋ saqtaluyna, temperaturalyq rejimge, ıs jürgızuge, oquşylardy avtobuspen tasymaldauǧa erekşe nazar audardy. Sondai-aq olar bılım beru nysandarynda jürgızılıp jatqan kürdelı jöndeu jūmystaryna qatysty mäselelerdı de qarastyrdy.
Balalardyŋ qauıpsızdıgı mäselesıne qatysty oblystyq bılım basqarmasynyŋ basşysy Däuren Jünısov:
- Öŋırdegı 422 bılım beru ūiymynyŋ barlyǧy beinebaqylau kameralarymen tolyq qamtamasyz etılıp, Polisiia Departamentınıŋ jedel basqaru ortalyǧyna qosylǧan. Sol siiaqty barlyq bılım beru ūiymdarynda «Dabyl tüimelerı» qoiylyp, jergılıktı polisiia basqarmalarynyŋ kezekşı bölımıne qosyldy. Bügıngı künı 296 bılım beru ūiymynda 518 dana turniket ornatyldy. Oblys boiynşa 210 bılım beru ūiymy 253 ştattyq bırlıkte arnaiy mamandandyrylǧan küzetpen qamtamasyz etılgen. Būl baǧyttaǧy jūmys jalǧasuda, - dedı öz sözınde.
Qoǧamdyq ştab ökılderınıŋ aituynşa, monitoring qorytyndylary bılım beru sapasyn odan ärı jüielı türde jaqsartudyŋ negızıne ainalady.
- Balalardyŋ qauıpsızdıgı men äl-auqatyn qamtamasyz etu mäselelerın qoǧamdyq baqylau – atalǧan mäselerge qatysty mälımetterdı jinaqtau, taldau jäne baǧalau ısın qamtityn keşendı jūmys. Bızdıŋ maqsatymyz – tuyndaǧan mäselelerdı anyqtap, olardy şeşu boiynşa ūsynymdar äzırleu. Al būl ūsynystardy ıske asyru öŋırde zamanaui ärı qauıpsız bılım beru ortasyn qalyptastyruǧa mümkındık beredı. Mūndai monitoring şaralaryn oblys kölemınde är toqsan saiyn jürgızıp tūramyz, - dedı «AMANAT» partiiasy Jetısu oblystyq filialynyŋ töraǧasy Arystanǧali Aryn.
Jalpy, biyl öŋırde 3 mekteptıŋ qūrylysy aiaqtaldy. Atap aitqanda, «Keleşek mektebı» ūlttyq jobasy aiasynda Alaköl audanynyŋ Dostyq auylynda 600 oryndyq, Aqsu audanynyŋ Költaban auylynda 120 oryndyq, Panfilov audanynyŋ Taldy auylynda 300 oryndyq mektepter paidalanuǧa berıldı. Taǧy 4 mekteptıŋ qūrylysy jalǧasuda, iaǧni Kerbūlaq audanynyŋ Köksai auylynda, Panfilov audanynyŋ Suptai auylynda, Tekelı qalasynda jäne Taldyqorǧan qalasynda jalpy 680 orynǧa arnalǧan bılım nysandary salynyp jatyr, kelesı jyly paidalanuǧa berıledı. Sol siiaqty 7 mektepke kürdelı jöndeu jürgızılıp, sonyŋ 5-euınde jöndeu jūmystary aiaqtaldy, al qalǧan 2 mektepte qūrylys jūmystary jyl soŋyna deiın tolyq bıtedı. Būdan bölek, biyl 14 mektepte, 5 balabaqşada jäne 1 lagerde – jalpy sany 30 bılım beru nysanynda aǧymdaǧy jöndeu jūmystary jürgızıldı. Al kelesı jyly 25 mektep, 2027 jyly taǧy 25 mektep jöndeuden ötedı.
