Taldyqorǧada joǧalyp ketken 14 jastaǧy qyzdyŋ mäiıtı tabyldy. Būl turaly Jetısu oblysynyŋ polisiia departamentı mälımdedı, dep habarlaidy “Adyrna” ūlttyq portaly.
Aqparatqa säikes, qyzdyŋ denesı Tekelı tauynan tabyldy. Ony sol jerge kömıp tastaǧan. Mäiıttı poliseiler, äskeri qyzmetşıler men erıktılerden tūratyn ızdeu toptary tapqan. Qazır jasöspırım kömılgen jerde tergeu jūmystary jürıp jatyr.
Esterıŋızge sala keteiık, 14 jastaǧy Karina Dorohinanyŋ joǧalyp ketkenı turaly aqparat poliseilerge 28 jeltoqsanda tüsken.
"Jasöspırım qaraşa aiynyŋ basynan bastap sabaqqa qatyspaityny belgılı boldy. Jedel-ızdestırudı bastaǧannan keiın polisiia "qyz qylmystyŋ qūrbany boluy mümkın" degen boljam jasady. QR QK 99-baby "Kısı öltıru" boiynşa tergeu jürdı. Qylmysqa küdıktı retınde jasöspırımnıŋ anasy men ögei äkesı ūstaldy", - deidı vedomstvo.
Qylmystyq oqiǧa polisiia departamentı basşysynyŋ tıkelei baqylauynda.
