Prezident Qasym-Jomart Toqaev Almaty qalasynyŋ äkımı Darhan Satybaldyǧa qalanyŋ joǧarǧy bölıgınde köpqabatty tūrǧyn üilerdı saluǧa maratorii engızudı tapsyrdy, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
«Memleket basşysy Almaty qalasynyŋ äkımı Darhan Satybaldyny qabyldady», – delıngen jeksenbı künı jariialanǧan habarlamada.
Satybaldy megapolistıŋ äleumettık-ekonomikalyq damuynyŋ nätijelerı men bolaşaǧy turaly baiandady.
«2025 jyldyŋ bırınşı jartyjyldyǧynda qysqa merzımdı ekonomikalyq indikator 11%-ǧa östı, negızgı kapitalǧa salynǧan investisiialar 25,4%-ǧa artty», – dep körsetılgen aqparatta.
Äkım qalanyŋ ortalyq audandaryna tüsetın jüktemenı azaityp, qalalyq infraqūrylymdy teŋdei böluge jäne qolaily orta qalyptastyruǧa mümkındık beretın poliortalyqty damu turaly baiandady.
Kölık qūrylymyn qalyptastyruǧa erekşe nazar audarylǧan, būl qalanyŋ audandarynyŋ özara tiımdı bailanysyn qamtamasyz etıp, qoǧamdyq kölıktıŋ qoljetımdılıgın arttyrady.
Toqaev qalada köpqabatty tūrǧyn üilerdıŋ qūrylysyn saluǧa moratorii engızudı tapsyrdy. Būl şekteu äleumettık infraqūrylym nysandary men bas josparǧa säikes turistık klasterlerden basqa aimaqtarǧa engızılmek. Iаǧni tek qalanyŋ joǧarǧy bölıgıne qatysty. Prezident sondai-aq, tabiǧatty qorǧau şaralaryn küşeituge, qalalyq ortanyŋ teŋgerımdı damuyna jäne tau bökterlerın qūrylys saludan qorǧauǧa baǧyttalǧan özgerısterdı bas josparǧa jedel engızudı tapsyrdy.
