Almatyda elitalyq tūrǧyn üi keşenınıŋ tūrǧyndary küzetşını kölıgımen janyştap, artynşa ölımşe etıp sabaǧan "körşınıŋ" äreketıne qatysty pıkır bıldırdı, dep habarlaidy "Adyrna" tılşısı KTK-ǧa sıltep.
Ülken megapolistıŋ qaq ortasynda ornalasqan elitalyq tūrǧyn üide küzetşı aiausyzdyqpen öltırılgen. 42 jastaǧy Nūrbol Qaiypbaev alǧan jaraqattary saldarynan auruhanada köz jūmǧan.
Tūrǧyndardyŋ aituynşa, qaiǧyly oqiǧaǧa küzetşı men kölık iesınıŋ arasyndaǧy kikıljıŋ sebep bolǧan. Küdıktı kölıktı mas küiınde aidap qalaǧa şyǧuǧa tyryspaq bolǧan. Alaida küzetşı oǧan būl äreketınıŋ zaŋǧy qaişy ekenın tüsındıruge tyrysypty.
"Ol şyǧyp ketpek boldy. Qaqpadan şyqpaq boldy. Nūrbol ony toqtatpaq boldy. Endı mas adam, jolǧa şyqsa qanşa adamdy öltıredı. Nūrbol ana jerge kölıgın qoi dedı de, baryp şlagbauymdy japty, qaqpanyŋ bıreuın jauyp, ekınşısın jauyp jatqan kezde anau qatty kelıp üş ret qaqty. Onyŋ aldynda syranyŋ şölmegımen düŋgırşektı şaqty", - dedı päter ielerı kooperativınıŋ direktory Äliia Dosmaiylova.Tūrǧyndardyŋ sözınşe, adam öltırdı degen küdıkke ılıngen azamat ajyrasqan. Ol "Merkur Taunla" qart ata-anasymen bırge tūrady. Sondai-aq tūrǧyndar ol körşınıŋ jiı janjal şyǧaratynyn aitty. Telearnanyŋ aituynşa, marqūm Nūrbol sol tünı aşuǧa bulyqqan er adamdy ata-anasynyŋ ötınışı boiynşa köşege şyǧarmaǧan boluy mümkın.
"Tek osy bır er adam ǧana ünemı şulatyp jüredı. Naşaqor, ışıp-şegedı. Keşe de ışıp-şegıp alǧan. Oqiǧa älı köz aldymyzdan keter emes. Asqan qatyngezdık qoi būl. Küzetşı Nūrbol ünemı küdıktı azamatqa, onyŋ otbasyna, bärımızge kömektesıp jüretın. Qasköi būǧan deiın osyndaǧy dispetcherge soqqy jasaǧan. Talai ret polisiiaǧa jazǧanbyz. Ata-anasy memlekettık qyzmette jūmys ıstegen, bıluımızşe būrynǧy prokurorlar. Ata-anasy ony ünemı qorǧap alyp şyǧady", - dedı Danelia Sartai.Küdıktı öz äreketınen soŋ joǧary qabattan da sekırmek bolypty. Körşıler onyŋ esırtkı qoldanatynyn da aitty.
"Myna jaqta otyrdy, aiaǧyn salbyratyp. Qūlai ma eken dep men taŋ qalyp tūrdym. Bırtürlı jıgıt. Esırtkı jasyratyndar keletın. Myna qaqpany bız ne üşın qoidyrdyq? Öitkenı balalardyŋ oiyn alaŋyna esırtkı qoiyp ketedı. Ony şyǧyp alady. Är närsenı oǧan äkeledı, köp būzaqylyq jasaidy. Ata-anasyna da bır qiyndyqtar tuǧyzady. Bükıl körışıler bıledı", - dedı Anar Temırqūlova.Eske sala keteiık, kısı qolynan asqan qatygezdıkpen qaza tapqan küzetşınıŋ artynda äielı men üş balasy qaldy. Nūrbol Qaiypbaev otbasynyŋ jalǧyz asyruşysy bolǧan. Atalǧan tūrǧyn üi keşenınde ol ekı jyldan berı 165 myŋ teŋge ailyqqa jūmys ıstep kelgenı de belgılı boldy.
Ūqsas jaŋalyqtar
