پرەزيدەنت قاسىم-جومارت توقاەۆ الماتى قالاسىنىڭ اكىمى دارحان ساتىبالدىعا قالانىڭ جوعارعى بولىگىندە كوپقاباتتى تۇرعىن ۇيلەردى سالۋعا ماراتوري ەنگىزۋدى تاپسىردى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
«مەملەكەت باسشىسى الماتى قالاسىنىڭ اكىمى دارحان ساتىبالدىنى قابىلدادى»، – دەلىنگەن جەكسەنبى كۇنى جاريالانعان حابارلامادا.
ساتىبالدى مەگاپوليستىڭ الەۋمەتتىك-ەكونوميكالىق دامۋىنىڭ ناتيجەلەرى مەن بولاشاعى تۋرالى باياندادى.
«2025 جىلدىڭ ءبىرىنشى جارتىجىلدىعىندا قىسقا مەرزىمدى ەكونوميكالىق ينديكاتور 11%-عا ءوستى، نەگىزگى كاپيتالعا سالىنعان ينۆەستيتسيالار 25,4%-عا ارتتى»، – دەپ كورسەتىلگەن اقپاراتتا.
اكىم قالانىڭ ورتالىق اۋداندارىنا تۇسەتىن جۇكتەمەنى ازايتىپ، قالالىق ينفراقۇرىلىمدى تەڭدەي بولۋگە جانە قولايلى ورتا قالىپتاستىرۋعا مۇمكىندىك بەرەتىن پوليورتالىقتى دامۋ تۋرالى باياندادى.
كولىك قۇرىلىمىن قالىپتاستىرۋعا ەرەكشە نازار اۋدارىلعان، بۇل قالانىڭ اۋداندارىنىڭ ءوزارا ءتيىمدى بايلانىسىن قامتاماسىز ەتىپ، قوعامدىق كولىكتىڭ قولجەتىمدىلىگىن ارتتىرادى.
توقاەۆ قالادا كوپقاباتتى تۇرعىن ۇيلەردىڭ قۇرىلىسىن سالۋعا موراتوري ەنگىزۋدى تاپسىردى. بۇل شەكتەۋ الەۋمەتتىك ينفراقۇرىلىم نىساندارى مەن باس جوسپارعا سايكەس تۋريستىك كلاستەرلەردەن باسقا ايماقتارعا ەنگىزىلمەك. ياعني تەك قالانىڭ جوعارعى بولىگىنە قاتىستى. پرەزيدەنت سونداي-اق، تابيعاتتى قورعاۋ شارالارىن كۇشەيتۋگە، قالالىق ورتانىڭ تەڭگەرىمدى دامۋىنا جانە تاۋ بوكتەرلەرىن قۇرىلىس سالۋدان قورعاۋعا باعىتتالعان وزگەرىستەردى باس جوسپارعا جەدەل ەنگىزۋدى تاپسىردى.
