Almatyda ekı kölık soǧysyp, bır adam köz jūmdy, dep habarlaidy "Adyrna" ūlttyq portaly Zakon.kz-ke sıltep.
Apat Rysqūlov daŋǧyly men Būqtyrma köşesı aralyǧynda oryn aldy.
24 aqpan künı Mercedes-Benz Actros jük kölıgı men Mazda 626 jeŋıl kölıgı soqtyǧysqan.
Jük kölıgı jürgızuşısınıŋ aituynşa, ol soltüstık baǧytta qozǧalyp kele jatqanda qarsy jolaqtan joǧary jyldamdyqpen kele jatqan Mazda kölıgın körgen. Mazda jyldamdyǧyn bäseŋdetpei, traektoriiasyn özgertpegen. Nätijesınde soqtyǧysu oryn alǧan.
Oqiǧa saldarynan jeŋıl kölıktıŋ jürgızuşısı, 2006 jyly tuǧan jas jıgıt, kölıktıŋ ışınde qysylyp qalǧan. Qūtqaruşylar ony qiratylǧan kölıkten alyp şyqty, bıraq därıgerler onyŋ qaitys bolǧanyn rastady.
Polisiia oqiǧanyŋ barlyq män-jaiyn anyqtap jatyr. Apat saldarynan Qūlja tas jolynyŋ ekı baǧytynda qozǧalys uaqytşa şektelgen.
