Keshe, 14 qańtarda Almatyda alapat órt boldy - Almaly aýdanynda qurylys materıaldary saqtalǵan qoıma órtendi. Bul týraly tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Málimet boıynsha, órt shyqqany týraly habar Tótenshe jaǵdaılar departamentine saǵat 20:25-te túsken. Oqıǵa ornyna 6 mınýt ishinde jetken órt sóndirýshiler qurylys materıaldary men lak-boıaý ónimderin saqtaıtyn qoıma ashyq jalynmen janyp jatqanyn anyqtaǵan. Aldyn ala málimet boıynsha, órttiń jalpy aýdany 500 sharshy metrden asady.
"Órttiń kórshiles ornalasqan qoımalarǵa taralý qaýpi týyndady, órtti sóndirý jumysy qoıma jaılary tez janǵysh buıymdarǵa lyq tolǵandyqtan (bıtým, lak-boıaý) qıyndaı tústi", - delingen vedomstvo habarlamasynda.
Órt 22-34-te oqshaýlanyp, 22-50-de tolyǵymen sóndirildi. Órtti sóndirýge 21 tehnıka men 100-den astam adam jumyldyryldy.
"Kórshiles ornalasqan qoımalarǵa órttiń taralýyna jol berilmedi, nátıjesinde kásipkerlerdiń 5 myń sharshy metr TMQ saqtaý qoımalary aman qaldy", - dep habarlady.
