«Qazaqstan halqyna» qoǧamdyq qory men Bılım beru salasyn tūraqty damytu qorynyŋ qoldauymen jüzege asyrylyp jatqan «Qaraǧandy oblysyndaǧy qosymşa bılım beru ūiymdarynda STEM-oqytudy engızu» jobasy aimaqtyŋ bılım beru jüiesıne jaŋa serpın berdı.
Atalǧan joba aiasynda Qaraǧandy oblysynyŋ 7 qosymşa bılım beru ūiymy zamanaui qūral-jabdyqtarmen jabdyqtalyp, balalarǧa ǧylym men tehnologiianyŋ tyŋ baǧyttary qoljetımdı boldy.
Jobanyŋ nätijesınde:
35 üiırme jaŋǧyrtylyp, materialdyq-tehnikalyq bazasy jaŋartyldy;
21 jaŋa üiırme aşylyp, oquşylarǧa tyŋ baǧyttar ūsynyldy;
1000-nan astam bala zamanaui bılım beru formatymen qamtyldy;
Robototehnika, 3D modeldeu, jasandy intellekt, virtualdy şyndyq (VR), telestudiia siiaqty baǧyttar engızıldı;
Pedagogter arnaiy qaita daiarlau kurstarynan ötıp, ädıstemelık qoldauǧa ie boluda.
Joba Temırtau, Şahtinsk, Saran qalalaryn, sondai-aq Abai jäne Qarqaraly audandaryn qamtydy.
Bılım beru salasyn tūraqty damytu qory Qamqorşylyq keŋesınıŋ töraiymy, bılım salasynyŋ ardagerı Küläş Noǧataiqyzy Şämşidinova arnaiy jūmys saparymen Temırtau, Saran jäne Şahtinsk qalalarynda bolyp, STEM jobasynyŋ jüzege asyrylu barysymen tanysty. Sapar barysynda ol jaŋǧyrtylǧan zerthanalar men şeberhanalardy aralap, oquşylardyŋ ǧylymi-tehnikalyq jobalaryn tamaşalady. Sonymen qatar, pedagogikalyq ūjymmen kezdesıp, olardyŋ pıkırlerın tyŋdap, aldaǧy josparlarymen tanysty.
Būl bastama auyldyq jäne qalalyq oquşylarǧa sapaly bılımge teŋ qoljetımdılık berıp, şyǧarmaşylyq äleuetın arttyruǧa jol aşty. Jobanyŋ basty maqsaty – balalardyŋ bolaşaqqa degen senımın nyǧaityp, olardy ǧylym men tehnologiiaǧa baulu arqyly bäsekege qabılettı tūlǧa retınde tärbieleu.
Ūqsas jaŋalyqtar
