Almatylyq zamanaui qazaq kiız üiı jobasy Design Educates Awards 2025 halyqaralyq baiqauynda «Arhitekturalyq dizain» atalymy boiynşa jeŋımpaz atandy, dep habarlaidy «Adyrna» tılşısı.
Baiqauǧa älemnıŋ är tükpırınen kelgen türlı jobalar ūsynylǧan. Ūiymdastyruşylardyŋ aituynşa, qatysuşylardyŋ eŋbekterı tek estetikalyq kelbetımen ǧana emes, sonymen qatar bılım men mädeniettı jetkızu mümkındıgımen de qūndy bolyp otyr. Dästürlı qazaq üiınıŋ zamanaui interpretasiiasy ūlttyq mūra men zamanaui arhitekturalyq ideialardy üilestıre bılgen erekşe tuyndy retınde baǧalandy.
«Kiız üidıŋ ışkı qūrylymy 25 şarşy metrlık aumaqty alady. Onda jatyn bölme, jūmys oryndary, as üi men därethana bar. Al jinalatyn jihazdyŋ arqasynda ışkı keŋıstıktı barynşa paidalanuǧa bolady»,—delıngen Design Educates Awards 2025 baiqauy saitynda.
Joba ekologiialyq taza materialdar negızınde jasalǧan. Mäselen, qabyrǧa bölıkterı üşın bazalt talşyǧynan jasalǧan jylu oqşaulaǧyş qabaty bar jelımdelgen jūqa taqtai paidalanylǧan.
