2024 jylǧy World Press Photo halyqaralyq baiqauynda jyldyŋ üzdık fotosy retınde palestinalyq 9 jasar Mahmud Adjjurdyŋ suretı taŋdaldy, dep habarlaidy “Adyrna” ūlttyq portaly VVS-ge sıltep.
Ol 2024 jyldyŋ nauryz aiynda İzraildıŋ äue şabuyly saldarynan ekı qolynan aiyrylǧan.
Būl äserlı fotosurettı palestinalyq fotojurnalist Samar Abu Eluf The New York Times üşın tüsırgen. Ol 2023 jyldyŋ soŋynda Gazadan evakuasiialanyp, qazırgı uaqytta Katar astanasy Dohada Mahmud tūryp jatqan tūrǧyn üi keşenınde ömır sürude. Samar auyr jaraqat alǧan palestinalyqtardyŋ taǧdyryn suretter arqyly bükıl älemge tanytyp jür.
«Būl – ünsız, bıraq qatty aitylǧan fotosuret. Ol bır ǧana balanyŋ emes, tūtas soǧystyŋ tarihyn baiandaidy. Onyŋ zardaby bırneşe buynǧa deiın jalǧasady», – dedı baiqau direktory Djuman El Zein Huri.
Finalǧa ötken basqa fotosuretter de bar.
«Tüngı ötkel» — Djon Murdyŋ Getty Images agenttıgıne tüsırgen suretı. Qytailyq migranttar AQŞ pen Meksika şekarasyn kesıp ötken soŋ suyq jaŋbyr astynda toŋyp tūr. Būl suret şekaradaǧy ömırdıŋ qiyndyqtaryn körsetedı.
Al «Amazoniiadaǧy qūrǧaqşylyq» — Musuk Nolte tüsırgen fotoda jas jıgıt anasyna tamaq aparyp bara jatyr. Būryn būl auylǧa qaiyqpen jetuge bolatyn edı, endı ekı şaqyrym qūrǧap qalǧan özen arnasymen jaiau jüruge tura keledı. Būl fotosuret aimaqtaǧy ekologiialyq apat pen su tapşylyǧynyŋ auqymyn körsetedı.
Öŋırlık suretter qatarynda AQŞ prezidentı Trampqa oq atylǧan sät te ūsynylǧan.
Soltüstık jäne Ortalyq Amerika aimaǧy, «Jeke suret» nominasiiasy boiynşa jeŋımpaz — «Donald Trampqa qastandyq» fotosy. Washington Post üşın Djabin Botsford tüsırgen būl suret 2024 jylǧy sailau nauqany kezındegı maŋyzdy sättı beineleidı. Qastandyqtan keiın sahnadan ketıp bara jatqan Tramp: «Küresu, küresu, küresu!» dep aiqailaǧan. Būl kadr saiasatkerdıŋ sirek kezdesetın älsız sätın körsetedı.
Aita keteiık, 2025 jyly World Press Photo baiqauyna 141 elden 3 778 fotograf qatysyp, 59 320 suret jıberılgen. Jeŋımpazdar üş nominasiia boiynşa anyqtaldy. Olar — jeke fotosuretter, fotoseriialar jäne ūzaqmerzımdı jobalar.
Ūqsas jaŋalyqtar
