AQŞ-tyŋ Nevada ştatyndaǧy Blek-Rok şölınde ötıp jatqan Burning Man festivalınde qazaqtyŋ kiız üiı qūmdy dauylǧa tötep berdı, dep habarlaidy "Adyrna" ūlttyq portaly.
Travel And Tour World basylymynyŋ mälımetınşe, qatty jeldıŋ jyldamdyǧy saǧatyna 80 şaqyrymǧa deiın jetıp, bırneşe art-nysandardy qiratqan.
Dauyl saldarynan kemınde tört adam jeŋıl jaraqat alǧan. Bırqatar kempingter qirap, qatysuşylarǧa baspana ızdeuge nemese jabdyqtaryn jöndeuge tura kelgen.
Festivalge alǧaş ret qatysqan qazaqstandyq delegasiia ūlttyq mädeniettı tanystyru maqsatynda kiız üi ornatqan. Top müşesı Sabina Omardyŋ aituynşa, dauyl kezınde kiız üi qatysuşylar üşın qauıpsız orynǧa ainalǧan.
«Bız qazaq kiız üiıne tyǧyldyq, eŋ dūrys şeşım boldy. Syrtta alai-dülei bolyp jatqanda, kiız üidıŋ ışınde qauıpsız boldy. Taŋqalarlyǧy, mädenietımızdıŋ simvoly qazaq kiız üiı Amerika şölınıŋ qaq ortasyndaǧy qūmdy dauylda qorǧan bolǧany», – dep jazdy ol.
Dauyldan keiın ıs-şara kelesı künı jalǧasyn tapty. Sinoptikter naizaǧai men şaǧyn tasqyn boluy mümkın ekenın eskerttı.
Festivaldıŋ ūiymdastyruşylarynyŋ deregınşe, qiyndyqtarǧa qaramastan, Burning Man 2025-ke keluşıler sany artyp, şamamen 72 myŋ adam jinalǧan.
Burning Man – jyl saiyn ötetın segız kündık festival. Qatysuşylar uaqytşa qala tūrǧyzyp, öner men şyǧarmaşylyq jūmystaryn ūsynady. Biylǧy ıs-şara 1 qyrküiekke deiın jalǧasady.
