الماتىلىق زاماناۋي قازاق كيىز ءۇيى جوباسى Design Educates Awards 2025 حالىقارالىق بايقاۋىندا «ارحيتەكتۋرالىق ديزاين» اتالىمى بويىنشا جەڭىمپاز اتاندى، دەپ حابارلايدى «ادىرنا» ءتىلشىسى.
بايقاۋعا الەمنىڭ ءار تۇكپىرىنەن كەلگەن ءتۇرلى جوبالار ۇسىنىلعان. ۇيىمداستىرۋشىلاردىڭ ايتۋىنشا، قاتىسۋشىلاردىڭ ەڭبەكتەرى تەك ەستەتيكالىق كەلبەتىمەن عانا ەمەس، سونىمەن قاتار ءبىلىم مەن مادەنيەتتى جەتكىزۋ مۇمكىندىگىمەن دە قۇندى بولىپ وتىر. ءداستۇرلى قازاق ءۇيىنىڭ زاماناۋي ينتەرپرەتاتسياسى ۇلتتىق مۇرا مەن زاماناۋي ارحيتەكتۋرالىق يدەيالاردى ۇيلەستىرە بىلگەن ەرەكشە تۋىندى رەتىندە باعالاندى.
«كيىز ءۇيدىڭ ىشكى قۇرىلىمى 25 شارشى مەترلىك اۋماقتى الادى. وندا جاتىن بولمە، جۇمىس ورىندارى، اس ءۇي مەن دارەتحانا بار. ال جينالاتىن جيھازدىڭ ارقاسىندا ىشكى كەڭىستىكتى بارىنشا پايدالانۋعا بولادى»،—دەلىنگەن Design Educates Awards 2025 بايقاۋى سايتىندا.
جوبا ەكولوگيالىق تازا ماتەريالدار نەگىزىندە جاسالعان. ماسەلەن، قابىرعا بولىكتەرى ءۇشىن بازالت تالشىعىنان جاسالعان جىلۋ وقشاۋلاعىش قاباتى بار جەلىمدەلگەن جۇقا تاقتاي پايدالانىلعان.
