Abai oblysy Geologiialyq barlau kolledjınde II Respublikalyq jas geologtardyŋ dalalyq olimpiadasy öz märesıne jettı. Olimpiadaǧa elımızdıŋ är öŋırınen 15 komanda qatysyp, 9–11 synyp oquşylary geologiia salasyndaǧy bılımderın täjıribe jüzınde şyŋdady. Qatysuşylar dalalyq lager qūrudan bastap, mineralogiia, paleontologiia, gidrogeologiia, şlihty synama alu, geologiialyq qima jasau siiaqty baǧyttar boiynşa saiysqa tüstı.
Olimpiadanyŋ saltanatty jabylu räsımıne QR İndustriia jäne qūrylys ministrlıgınıŋ Geologiia komitetınıŋ töraǧasy Erlan Aqbarov, QR ŪǦA akademigı Serıkbek Däukeev, sondai-aq Abai oblysy Bılım basqarmasy basşysynyŋ m.a. Bauyrjan Tulenov qatysty.
Bır aptaǧa sozylǧan baiqaudyŋ qorytyndysy boiynşa Astana qalasynyŋ «Altair» komandasy I orynǧa ie boldy.
Qazaqstan qūramasynyŋ «Aspan» komandasy II oryndy enşılese, Qostanai qalasynyŋ «Geobait» komandasy III orynǧa laiyq dep tanyldy.
Olimpiadada erekşe közge tüsken oquşylar jeke nominasiialarmen marapattaldy. «Üzdık jas geolog» ataǧy:
1-oryn Alina Blohina (Qostanai oblysy)
2-oryn Artem Treşev (QR qūrama komandasy)
3-oryn Erkenaz Orazaly (Astana qalasy)
Bırqatar qatysuşy elımızdıŋ jetekşı tehnikalyq joǧary oqu oryndarynyŋ bılım granttaryna ie boldy:
KBTU granty «Jetısu» komandasynyŋ müşesı, Taldyqorǧan qalasynan kelgen Baqbergen Bekarysqa tabystaldy;
Satbayev University grantyn Blohina Alina (Qostanai), Deino Platon (Semei), Jūmaşev Älihan jäne Omarov Aslan (Astana) ielendı;
QarTU granty Aqtöbeden kelgen Solovenko Annaǧa būiyrdy.
Jas geologtardyŋ baiqauy Geologiia komitetınıŋ bastamasymen, sondai-aq Kazakhmys, ERG, Kazzinc, Yer-Tai, Geoken, «Alel» QİK, Embamunaigaz, ProLabSupport, Solidcore Resources siiaqty sala serıktesterınıŋ qoldauymen ūiymdastyryldy.
