Almatyda 8-9 säuır künderı Qazaqstan Respublikasy Täuelsızdıgınıŋ 30 jyldyǧy men adamnyŋ ǧaryşty baǧyndyrǧanyna 60 jyl toluyna orai ūiymdastyrylǧan "Kazakhstan Smart Space" halyqaralyq baiqauynyŋ finalisterın marapattau räsımı öttı, dep habarlaidy adyrna.kz.
Baiqaudy QR Aeroǧaryş komitetınıŋ "Ǧaryştyq zertteuler jäne tehnologiialardyŋ ūlttyq ortalyǧy" AQ, "Eurasian Space Ventures" JŞS, "Qazaqstannyŋ jobalardy basqaru instituty" QQ ūiymdastyrdy. Oǧan Qazaqstannyŋ, Resei Federasiiasynyŋ 7-22 jas aralyǧyndaǧy kolledjder men joǧary oqu oryndarynyŋ studentterı, mektep jäne qosymşa üiırmelerdıŋ oquşylary özderınıŋ oqytuşylarymen jäne tälımgerlerımen bırge qatysty.
Aita ketsek, baiqau 2021 jylǧy 16 jeltoqsanda bastalǧan. 2022 jylǧy 11-15 nauryz aralyǧynda tırkelgen komandalardyŋ arasynda finaldyq turǧa qatysuşylardy ırıkteu ötkızıldı. Qazırgı uaqytta finalǧa şyqqandar treningterdı, şeberlık saǧattaryn, seminar-praktikumdardy, sarapşylar keŋesı müşelerınıŋ kouching sessiialarynyŋ barlyq kezeŋderınen sürınbei öttı.
Ol bügınde talantty kadrlardyŋ jetıspeuşılıgı olardyŋ tapşylyǧynda emes, kreativtı jastardyŋ öz qabıletterın körsetetın platformanyŋ joqtyǧynda ekenın atap öttı. Baiqau osyndai jastardyŋ basyn qosyp, jaŋa jobalardy jüzege asyruǧa kömegın tigızbek.
“Ūlttyq ǧaryştyq zertteuler men tehnologiialar ortalyǧy" AQ basqarma töraǧasy Marat Nūrǧojinnıŋ aituynşa, negızgı strategiia maqsat – qazaqstandyq ǧaryş salasyndaǧy bäsekege qabılettılıktı arttyru.
"Ǧaryştyq tehnologiialar adamzattyŋ kündelıktı ömırınıŋ bır bölıgıne ainaldy. Būl – ūialy bailanys, Jerdı qaşyqtyqtan köru jäne sputniktık navigasiianyŋ ärtürlı aspektılerı. Osy tehnologiialardy damytuda ärtürlı saladaǧy mamandar qajet. Sol sebeptı jastardyŋ şyǧarmaşylyq ızdenıster men türlı ǧylymi aşylularyn qoldap, ony jüzege asyru üşın barlyq mümkındıkterdı qamtamasyz etuge tiıspız. Däl osy maqsatta Kazakhstan Smart Space halyqaralyq konkursy ötkızıldı", - deidı Ūlttyq ǧaryştyq zertteuler men tehnologiialar ortalyǧy " AQ basqarma töraǧasy Marat Nūrǧojin.
Osylaişa konkurstyŋ 4 nominasiiasy boiynşa jeŋımpazdar men jüldegerlerdıŋ tızımı anyqtaldy.
“Aeroǧaryş salasynda jaŋa kadrlar daiyndau, jas jetkınşekterdıŋ arasynda tehnikalyq mamandyqtardy damytyp, olardyŋ būl salaǧa yntasyn arttyru maqsatynda tūŋǧyş ret “Kazakhstan Smart Space” halyqaralyq konkursyn ūiymdastyryp otyrmyz. Qazaqstan men Reseidıŋ jas önertapqyştary ǧaryştyq tehnika jäne ǧaryştyq tehnologiialar boiynşa köptegen jaŋa jobalaryn tanystyrdy. Onyŋ ışınde körıp otyrǧanymyzdai robototehnika, türlı raketalar men sputnikterdıŋ jasalu jolyn körsetıp berıp otyr. Ǧaryş salasyna qyzyǧuşylyǧy mol jas buynnyŋ köp ekenıne taǧy da bır közımız jetıp otyr”, – deidı Aeroǧaryş komitetınıŋ ǧylymi äzırlemeler basqarmasynyŋ sarapşysy Qyrmyzy Jandosova.Onyŋ aituynşa, baiqaudy ūiymdastyrudaǧy basty maqsat elımızdegı kadrlar tapşylyǧyn azaitu.
“Sol sebeptı bız maman tapşylyǧyn şeşu üşın osy bastamany oquşylar men studentterden bastaudy jön kördık. Sondyqtan būl jyl saiyn ötkızıletın baiqau bolady dep oilaimyn. "Kazakhstan Smart Space" jeŋımpazdary keiın 12 säuır merekesıne orai Sifrlyq damu, innovasiialar jäne aeroǧaryş önerkäsıbı ministrımen kezdesetın bolady. Sonymen qatar jüldegerlerge diplomdar, aqşalai syilyqtar, estelık syilyqtar, kädesyilar, baiqau ärıptesterı qataryndaǧy JOO-ǧa tüsu üşın qosymşa ūpailar berılıp, barlyq qatysuşylar sertifikattarmen marapattalyp otyr”, – deidı aeroǧaryş komitetınıŋ ǧylymi äzırlemeler basqarmasynyŋ sarapşysy Qyrmyzy Jandosova.Baiqau ūiymdastyruşysy būl joba balalardyŋ ǧaryş salasyna degen qyzyǧuşylyǧy men yntasyn arttyra tüspek.
“Jeŋımpazdarǧa aqşalai syilyqtan bölek Baiqoŋyr qalasyna ekskursiia ūiymdastyrmaqpyz. Bızde ǧaryş salasynda ūsynǧan jobalar bırden jüzege asyp kete almaidy. Araǧa jyldar salyp, bırtındep jüzege asady. Dese de balalardyŋ būl jerde qoldarynan keletının däleldeuge ülken mümkındıgı bar. Sondai-aq jobadaǧy jüldegerler ǧaryş salasy boiynşa basqa halyqaralyq baiqaularǧa qatysa alady. Būl balalardyŋ eşqaisysy aqşalai syiaqylarǧa qyzyǧuşylyq tanytpaityny körınıp tūr. Olardyŋ būndai konkurstarǧa qatysyp, dūrys baǧytta jürmın dep oilaǧan saiyn olardyŋ yntasy aşyla tüsedı. Mysalǧa keibır öŋırlerdegı jastardyŋ ǧaryşqa jaqyndauǧa mümkındıgı joq. Al baiqau osyndai jas talanttardyŋ ǧaryş salasyna qadam jasauyna mümkındık berıp otyr”, – deidı sarapşy.Konkursty ūiymdastyruşylardyŋ bırı, Eurasian Space Ventures (ESV) jeke ǧaryş kompaniiasynyŋ bas direktory, Euraziialyq bank direktorlar keŋesınıŋ müşesı Şuhrat İbragimov Kazakhstan Smart Space baiqauy osy jyly özınıŋ basty missiiasyn oryndap, ǧaryştyq jobalarmen ainalysqysy keletın talantty jastardyŋ basyn qosqanyn atap öttı.
"Ǧaryşty igerumen tyǧyz bailanysty bızdıŋ elımız üşın SpaceTech industriiasyn damytuǧa müddelı oquşylar men studentterdı qoldau maŋyzdy mındetterdıŋ bırı. Olar – Qazaqstannyŋ osy saladaǧy bolaşaq kadrlyq äleuetı. Sol sebeptı jaqyn arada qatysuşylardyŋ bırı bızge ǧaryştyq tehnologiialardy äzırlep, kommersiialandyruǧa kömektesuı de ǧajap emes. Kün saiyn köptegen mümkındıkter paida bolady. Bızdıŋ mındetımız – olardy jıberıp almau, sonymen qatar, alǧa jyldam qadam jasaularyna septıgımızdı tigızu”, – deidı Şuhrat İbragimov.Būǧan qosa ol baiqau jas daryndarǧa jol aşumen qatar, bizneske äleuettı kadrlardy tabuǧa mümkındık syilaitynyn jetkızdı.
"Bügın bırınşı kezekte öz bolaşaǧyn ǧaryştyq zertteulermen, jobalarmen bailanystyrǧysy keletın jastardyŋ köp bolǧanyna quanyp otyrmyz. Būl konkurs olardyŋ eŋ batyl ideialaryn ıske asyru üşın jaŋa perspektivalar aşady. Bız qazırdıŋ özınde halyqaralyq startaptar men kompaniialardy aeroǧaryştyq tehnologiialardy damytu üşın ESV ǧaryştyq hab-inkubatoryna tartudamyz. Bügınde sifrlandyru qarqyny artyp keledı jäne eşqaşan toqtamaidy. Ǧaryş industriiasy da damyp keledı. Konkurs salanyŋ damuyn jalǧastyruǧa jäne qazaqstandyq mamandardyŋ äleuetın bükıl älemge körsetuge mümkındık beredı", - deidı İbragimov.
Ol bügınde talantty kadrlardyŋ jetıspeuşılıgı olardyŋ tapşylyǧynda emes, kreativtı jastardyŋ öz qabıletterın körsetetın platformanyŋ joqtyǧynda ekenın atap öttı. Baiqau osyndai jastardyŋ basyn qosyp, jaŋa jobalardy jüzege asyruǧa kömegın tigızbek.
“Ūlttyq ǧaryştyq zertteuler men tehnologiialar ortalyǧy" AQ basqarma töraǧasy Marat Nūrǧojinnıŋ aituynşa, negızgı strategiia maqsat – qazaqstandyq ǧaryş salasyndaǧy bäsekege qabılettılıktı arttyru.
"Ǧaryştyq tehnologiialar adamzattyŋ kündelıktı ömırınıŋ bır bölıgıne ainaldy. Būl – ūialy bailanys, Jerdı qaşyqtyqtan köru jäne sputniktık navigasiianyŋ ärtürlı aspektılerı. Osy tehnologiialardy damytuda ärtürlı saladaǧy mamandar qajet. Sol sebeptı jastardyŋ şyǧarmaşylyq ızdenıster men türlı ǧylymi aşylularyn qoldap, ony jüzege asyru üşın barlyq mümkındıkterdı qamtamasyz etuge tiıspız. Däl osy maqsatta Kazakhstan Smart Space halyqaralyq konkursy ötkızıldı", - deidı Ūlttyq ǧaryştyq zertteuler men tehnologiialar ortalyǧy " AQ basqarma töraǧasy Marat Nūrǧojin.
Osylaişa konkurstyŋ 4 nominasiiasy boiynşa jeŋımpazdar men jüldegerlerdıŋ tızımı anyqtaldy.
- 16 jastan – 22 jasqa deiın jas sanaty boiynşa L. N. Gumilev atyndaǧy Euraziia ūlttyq universitetınıŋ "Berıktıgı joǧary materialmen basyp şyǧaratyn industriialyq-otandyq 3D printer" jobasy jäne Äl-Farabi atyndaǧy Qazaq ūlttyq universitetı. "CanSat formatyndaǧy şaǧyn ǧaryş apparattaryn äzırleu" jobasy
- 12 jastan 16 jasqa deiıngı jas sanaty boiynşa Almaty qalasynyŋ Nazarbaev ziiatkerlık mektebınıŋ "DELTA II" jobasy
- 9 jastan 12 jasqa deiıngı jas sanaty boiynşa Almaty qalasynyŋ № 48 mektep-liseiı "MAXTRON" jobasy jeŋımpazdar qatarynan körındı.
"Adyrna" ūlttyq portaly
Ūqsas jaŋalyqtar
