Resei prezidentınıŋ baspasöz hatşysy Dmitrii Peskov būrynǧy kölık ministrı Roman Starovoittyŋ otstavkaǧa ketu sebepterıne tüsınıkteme bere otyryp, prezident jarlyǧyna senım joǧaltu turaly eşqandai tūjyrym joq dep mälımdedı. Būl turaly RİA Novosti jazdy, dep habarlaidy "Adyrna".
Düisenbı künı Resei prezidentı Vladimir Putin Roman Starovoitty kölık ministrı qyzmetınen bosatu turaly jarlyqqa qol qoidy. Starovoit būl qyzmette 2024 jylǧy mamyrdan bastap basqarǧan edı. Sonymen qatar, prezident jarlyqpen Andrei Nikitindı kölık ministrınıŋ mındetın atqaruşy etıp taǧaiyndady.
«Eger senım joǧalsa, onda ol tura körsetıledı. Bıraq, özderıŋız körıp otyrǧandai, mūndai formulirovka qoldanylǧan joq», — dedı Peskov jurnalisterdıŋ «Starovoittyŋ otstavkasy prezidenttıŋ senımınen aiyryluyna bailanysty boldy ma?» degen sūraǧyna jauap bere otyryp.
Memleket basşysynyŋ baspasöz hatşysy jarlyqtyŋ jazbaşa mätınınde de «senımnen aiyryldy» degen söz tırkesı joq ekenın atap öttı.
«Taǧy da qaitalap aitamyn: jarlyqta “senımnen aiyryldy” degen söz joq, jazbaşa qūjatta mūndai tūjyrym qoldanylmaǧan. Būl – memleket basşysynyŋ şeşımı, menıŋ būǧan qosarym joq», — dedı Peskov.
Aita ketsek, būǧan deiın Reseide jūmysynan bosatylǧan kölık ministrı
Roman Starovoittyŋ ölı tabylǧany turaly habarladyq.
Roman Starovoittyŋ denesı Odinsovo qalalyq okrugınen tabylǧan. Aqparattarǧa säikes, oǧan oq tigen, mäiıttıŋ qasynda qaru jatqan.
