Türkiiada Resei men Ukraina delegasiialarynyŋ üş jylda alǧaş ötkızılgen kelıssözderı aiaqtaldy, dep habarlaidy “Adyrna” ūlttyq portaly.
Aqparattarǧa säikes, kezdesu şamamen ekı saǧatqa sozyldy. Resei delegasiiasy üzılıs alyp, zaldan şyqqany belgılı. Kezdesu qorytyndysy boiynşa olar jaqyn arada baspasöz aldyna şyqpaq.
Sonymen qatar, Ukraina prezidentı Vladimir Zelenskii de atalǧan kezdesuge qatysty öz oiyn aityp ülgerdı.
"Eger Putin Türkiiaǧa keluden qoryqpaǧanda osy aptada bız soǧysty aiaqtau tūrǧysynda maŋyzdy qadamdar jasauǧa naqty mümkındık alar edık. Men keşe Ankarada boldym, prezident Erdoǧannyŋ şaraǧa at salysuy men jyly qabyldauy üşın alǧys aitamyn. Putinmen Ankarada nemese Ystambūlda tıkelei kezdesuge daiyn boldym. Kezdesuge deiın ǧana emes, menıŋ oiymşa, barlyq maŋyzdy mäselelerdı şeşu üşın. Bıraq ol eşteŋege kelıspedı. Putindı aitamyn. Ystambūlǧa kelgen Resei delegasiiasy öte tömen deŋgeide ekenı belgılı. Onyŋ qūramynda Reseide şynymen şeşım qabyldai alatyn bır de bır adam joq. Soǧan qaramastan, men Ukrainanyŋ Qorǧanys ministrı bastaǧan bızdıŋ komandany Ystambūlǧa jıberdım, eŋ qūrymaǧanda reseilıkter şynymen de bır närsenı şeşe alatynyn bılu üşın!", - dep jazdy Zelenskii.
Onyŋ aituynşa, Ukraina soǧysty aiaqtau üşın barlyq naqty qadamǧa baruǧa daiyn.
"Men Putindı öz delegasiiasyna naqty ökılettıkter beruge şaqyramyn. Künı boiy Ystambūlda ne bolyp jatqanyn jäne Resei delegasiiasy naqty qadamdar jasai alady ma, soǧan qatysty barlyq mälımetpen bölısıp otyratyn bolamyn", - dep sözın tüiındeidı Ukraina basşysy.
Sondai-aq, Ukrainanyŋ qorǧanys ministrı Rüstem Umerov BAQ aldynda olardyŋ tarapy, eŋ aldymen, atysty toqtatu mäselesın talqylaǧanyn aitty. Ekı jaq özara är jaqtan bır myŋnan tūtqyn almasatyn bolyp kelısken. Basq detaldary aitylmaidy.
