“Búgin Prezıdent Qasym-Jomart Toqaev Shyǵys Qazaqstan oblysynyń jańa ákimi Ermek Kósherbaevty qabyldady”, dep habarlaıdy “Adyrna” tilshisi.
Memleket basshysy Shyǵys Qazaqstannyń sý jańa ákimin jeke qabyldady. Kezdesý barysynda óńirdiń jańa basshysyna mańyzdy mindetter men tapsyrmalar júktedi. Halyqtyń turmys sapasy men ál-aýqatyn arttyryp, aımaq ekonomıkasyn damytý máselelerine nazar aýdarýdy eskertti.
Sonymen qatar Memleket basshysy Qaton-Qaraǵaı, Marqakól aýdandaryn qaıta qurý jóninde sheshim qabyldanǵanyna toqtalyp, shekaralas aýmaqtaǵy eldi mekenderdi júıeli túrde damytý qajet ekenin, jumystardy qaıta pysyqtaý qajettigin málimdedi.
