«Baian Sūlu» kompaniiasy Reseidegı jalǧyz filialyn jabady. Bölım Cheliabı qalasynda ornalasqan. Būl jaily Qazaqstan qor birjasynda jariialanǧan habarlamada jazylǧan, dep habarlaidy "Adyrna".
Būl şeşımdı «Baian Sūlu» kompaniiasynyŋ direktorlar keŋesı 1 şıldede qabyldaǧan, alaida onyŋ sebebı belgısız. 2024 jyldyŋ qaraşasynda kompaniia Almatydaǧy filialynyŋ jabylǧanyn habarlaǧan.
“Qazırgı uaqytta Resei naryǧyna önım jetkızu tıkelei satu modelı arqyly jüzege asyrylady, būl jeke filial ūstaudy artyq etedı. Sonymen bırge, «Baian Sūlu» AQ Resei naryǧynda belsendı jūmysyn jalǧastyryp jatyr, elımızden Reseige eksporttalatyn önım kölemı jalpy eksport kölemınıŋ 40%-dan astamyn qūraidy. Jetkızılımder qoldanystaǧy logistikalyq arnalar arqyly jäne kelısımşarttyq mındettemelerge tolyq sai jüzege asyryluda”, — delıngen kompaniianyŋ resmi mälımdemesınde.
Ötken jyldaǧy qarjy esebıne süiensek, jalpy kompaniianyŋ üş filialy boldy. Qazır onyŋ ekeuı Almaty jäne Qostanaida jūmys ısteidı. Filialdar – kompaniianyŋ negızgı tırkelgen mekenjaiynan tys ornalasqan, jeke zaŋdy tūlǧa bolyp sanalmaityn, qūrylymdyq bölımşelerı.
Ötken jyldyŋ qorytyndysy boiynşa, «Baian Sūlu» kompaniiasy taza paidasyn 23,1%-ǧa arttyryp, 3,45 mlrd teŋgege jetkızdı. Alaida kompaniianyŋ negızgı naryǧy – Qazaqstandaǧy satylymy 9,2%-ǧa azaiyp, 41,5 mlrd teŋgenı qūraǧan. Al fabrika üşın maŋyzdylyǧy jaǧynan ekınşı orynda tūrǧan naryq, Reseidegı satylymdar ekı esege artyp, 2024 jyly 2,9 mlrd teŋgenı qūrady.
«Baian Sūlu» kompaniiasynyŋ negızgı aksionerı – KazFoodProducts, onyŋ ülesı 85,06%. Al kompaniianyŋ tüpkı iesı – käsıpker Erlan Baimūratov, Forbes jurnaly 2024 jylǧy mamyrda onyŋ bailyǧyn 108 mln dollarǧa baǧalady. 2024 jylǧy qazanda «Kursiv» jazǧandai, kompaniianyŋ 5% aksiiasyn memlekettık äleumettık-käsıpkerlık korporasiia – «Tobyl» satyp alǧan. Taǧy 5% aksiia kompaniia basqarma töraǧasy Timur Sadyqovqa tiesılı.
