Reseı Tájikstannyń Aýǵanstanmen shektesken shekara tustaryna áskerı tehnıkalaryn jetkizip jatyr. Onyń ishinde «Kornet» atty tankterge qarsy zymyran keshenderi de bar. Bul jaıynda Tájikstannyń ortalyq áskerı okrýgi habarlady dep jazdy «Sputnik Tadjıkıstan» aqparattyq portaly.
«Kornet» atty tankterge qarsy zymyran keshenderi Reseıdiń 201-shi áskerı tehnıkalyq bazasy retinde Aýǵanstandaǵy jaǵdaıǵa qatysty eksplýataııaǵa berilipti. Ony Reseı qorǵanys salasynyń artıllerııa bólimi basqarady.
Tájikstannyń Aýǵanstanmen shektesken shekara tusyna Reseıdiń óz áskerı tehnıkalaryn aparyp qoıýy aldaǵy ýaqyttarda qaýiptiń bolatynyn kórsetetin sııaqty. Óziniń geosaıası múddelerin qorǵaý maqsatynda Reseı Talıban radıkaldy qozǵalysynyń jasaqtaryn da qarýlarmen qamtamasyz etýi ábden múmkin. Reseılik áskerıler «Kornet» atty tankterge qarsy zymyran keshenin jaýdyń ushaqtary men tikushaqtaryna da qarsy qoldanamyz dep otyr.
Bekbolat QARJAN,
«Adyrna» ulttyq portaly
