Almatyda 1986 jylǧy Jeltoqsan oqiǧasyna qatysyp, keiın saiasi qudalauǧa ūşyraǧan azamat endı ǧana ädıletke qol jetkızdı, dep habarlaidy "Adyrna" ūlttyq portaly.
Būl turaly Joǧarǧy sottyŋ baspasöz qyzmetı mälımdedı.
«2025 jyly 64 jastaǧy Aqtöbe tūrǧyny 1986 jylǧy Almatydaǧy jeltoqsan oqiǧasyna qatysqany üşın saiasi quǧyn-sürgınge ūşyraǧanyn moiyndatu jönınde sotqa talap-aryz tüsırdı. Aqtöbe qalasynyŋ №3 soty ıstı qarap, onyŋ şynymen de Jeltoqsan oqiǧasyna qatysyp, quǧyndalǧanyn, eŋbek qūqyǧy şektelgenın anyqtady. Būl derekter Almaty qalasy universitetınıŋ jäne prokuraturasynyŋ mūraǧattyq anyqtamalarymen, sondai-aq kuägerlerdıŋ aiǧaqtarymen rastaldy. Azamattyq prosestık kodekstıŋ 306-babyna jäne «Jappai saiasi quǧyn-sürgın qūrbandaryn aqtau turaly» Zaŋnyŋ 2-babyna süiene otyryp, sot talapkerdı 1986 jylǧy oqiǧalarǧa bailanysty saiasi quǧyn-sürgın qūrbany dep tanydy», – delıngen habarlamada.
Sottyŋ mälımetınşe, atalǧan azamat 1984 jyly Gurev oblystyq partiia komitetı men käsıpodaq ūiymynyŋ joldamasymen Qazaq memlekettık universitetınıŋ daiyndyq bölımıne oquǧa tüsken. Al 1985 jyly universitettıŋ filosofiia jäne ekonomika fakultetınıŋ studentı atanady.
1986 jyly ol ekınşı kurstan «qoǧamdyq tärtıptı būzdy» degen jeleumen oqudan şyǧarylǧan. Būǧan 18 jeltoqsan künı onyŋ qūqyq qorǧau organdary tarapynan eş aiyp taǧylmastan ūstalyp, keiın bosatylǧany sebep bolǧan. Alaida student oqudan şyǧarylyp qana qoimai, Kommunistık partiia qatarynan da şyǧarylǧan, ärı jūmysqa ornalasa almai qinalǧan. Onyŋ äielı – atalǧan universitettıŋ filosofiia fakultetın bıtırgen tülek te, sol kezeŋde jūmys taba almaǧan. 1990–1993 jyldary būl otbasy üş balasymen jaldamaly päterde tūryp, äleumettık osal jaǧdaida ömır sürgen.
Sot şeşımı zaŋdy küşıne endı.
Jeltoqsan oqiǧasy 1986 jyldyŋ 16 jeltoqsanynda Almatyda bastaldy. Qazaq jastary KOKP Ortalyq Komitetınıŋ şeşımımen bırınşı hatşy Dınmūhammed Qonaevtyŋ ornyna respublikamen bailanysy joq Gennadii Kolbinnıŋ taǧaiyndaluyna qarsy şyǧyp, beibıt şeruge şyqqan. Alaida būl şeruler qataŋ türde küşpen basylyp, myŋdaǧan adam soqqyǧa jyǧylyp, 8 500-ge juyq adam ūstaldy, jüzdegenı oqudan şyǧarylyp, jūmystan quyldy, köpşılıgı quǧynǧa ūşyrady. Resmi emes derekter boiynşa, 150-den astam adam qaza tapqan. Būl oqiǧa KSRO-daǧy alǧaşqy ırı ūlttyq qarsylyq retınde tarihta qaldy jäne Keŋes Odaǧynyŋ küireuıne alyp kelgen üderısterdıŋ bastamasyna ainaldy.
