Tuǧan jerdıŋ damuyna airyqşa at salysu – şynaiy patriotizmnıŋ belgısı. Elım, jerım dep maqtanǧan bır bölek, kındık qanyŋ tamǧan jerge qyzmet etu asa maŋyzdy. Būl turaly Aqtöbe oblysynyŋ tūrǧyny, käsıpker Altynbek Mūstafin aitty.
Altynbek Mūstafin käsıbın 13 jyl būryn kışkentai azyq-tülık dükenın aşudan bastaǧan. Bügınde ülken ırı azyq-tülık jäne şaruaşylyq supermarketı, balalarǧa arnalǧan kiım brendı men naubaihanasy bar. Küzetşılıkten ırı käsıpkerge ainalǧan azamat jetıstıkke jetudıŋ qūpiiasyn «Adyrna» ūlttyq portalynyŋ tılşısıne aityp berdı.
Kışkentai dükenın ülken supermarketke ainaldyrǧanyna biyl 2 jyl. Al şaǧynmarkettıŋ qyzmet etıp kele jatqanyna 5 jyldan asty. Altynbek Mūstafin qosymşa biznesın damytu üşın äleumettık jelınıŋ kömegı köp ekenın aitady. Naubaihanasyndaǧy türlı torttar men bälışterdıŋ suretterın äleumettık jelıge jariialau arqyly halyqty tartuǧa bolatynyn da jasyrmady. Aituynşa, qazır käsıbı audandaǧy bırınşı naubaihanaǧa ainalyp ülgergen. Jalǧyz naubaihana emes, auyldaǧy barlyq dükenınıŋ tūtynuşylary köp.
Käsıpker bolaşaq käsıp bastaimyn deuşılerge aqyl-keŋesın de aita kettı.
«Aqtöbe oblysy Temır audany Şūbarqūdyq kentınde düniege keldım. Osynda östım, bılım aldym. Tuǧan jerıme eŋbegımdı sıŋırgım keldı. Alǧaşynda küzetşı bolyp qyzmet ettım. Keiın 2003 jyly äskerge baryp kelgennen keiın temır jol kursyn oqyp aldym. Oquym kädeme jarap, sol salada jūmysqa da tūrdym. Negızgı mamandyǧym - keden ısı. Alaida, būl salada mülde jūmys ıstemegenmın. 2005-2006 jyldary eŋ jaqsy tabys – temırjolda bolatyn. Jalaqym töleuge jetetın bolǧandyqtan nesie alyp, alǧaşqy käsıbımızdı bastadyq. 2008 jyly auylymyzdan kışkene ǧana jerdı jalǧa alyp, azyq-tülık dükenın aştyq. Osylaişa, maŋdai termen bırtındep käsıbımızdı keŋeite bastadyq», - deidı käsıpker.Altynbektıŋ käsıp bastauyna bala armany sebep bolǧan. Ünemı özı oqityn kıtaptardan damyǧan memlekettı köretın ol elınıŋ eşteŋeden mūqtaj bolmaǧanyn qalaǧan.
«Men kışkentai kezde köp armandaityn edım. Sonymen qatar, kıtaptardy köp oqityn boldym. 90-şy jyldary Amerika syndy alpauyt elderdıŋ damyp ketkenın körıp, kıtaptan oqydyq. Sol kezde käsıpker bolamyn, elımdı damytamyn deitınmın. Menıŋ armandarym bügıngı künge jetuıme kömegın tigızdı», - deidı ol.Altynbek eŋ alǧaşqy dükenderınde bar tırlıktı jūbaiy ekeuı ıstegenın aityp berdı. Kelınşegı kassada tūrsa, Altynbek kündız temırjoldaǧy qyzmetınde bolyp, keşke jük tasyǧan. Tıptı būl salada bılımı bolmasa da, täuekelge bel buyp, ärdaiym eŋbek ete bergen. Biznesmen kezınde qanşalyqty qiyn bolsa da, qazır osy ısıne maqtanatynyn da atap öttı.
«Bärımızge belgelı, auyldyq jerde qaryzǧa aluşylar köp. Kırısten qaraǧanda qaryz däpterımızdegı tūtynuşylardyŋ beru kerek qaryzdary köp boldy. Olar qaryzdaryn qaitaryp ta bolmaidy. Al bız qai adammen aiqalasyp jürmekpız? Sodan , «osy jerden qoia salaiyq» degen de oi boldy. Öitkenı, menımen bırge temırjolda jūmys ısteitın ärıptesterımnıŋ jaǧdaiy mennen jaqsy boldy. Al mende käsıp bolsa da, salystyrmaly türde olardan tömen sezındım. Alaida jūbaiym qoldau bıldırıp, ary qarai jalǧastyruǧa kırıstık», dep eske aldy ol.Altynbek Mūstafinnıŋ aituynşa, jüregınde mahabbaty bar käsıpkerler qaşanda tabysty bolady. Öitkenı, olardyŋ otbasyna, tuǧan jerıne, memleketıne degen mahabbaty bärın basyp ozady. Olardy damytamyn, «olarǧa qaitsem kömektese alam?» degen oi maza bermeidı.
«Qoldaǧy qaryz däpterdı ūmytyp, ony laqtyrdyq. Alda täuekel dep, kelesı nesiemızdı alyp, ülken şaǧyn marketın aştyq. Ärine, täuekelge baru qorqynyşty boldy. Öitkenı, qolymyzdaǧy bärın kepılge qoiyp, nesie alyp, ǧimarat saldyq. Būl joly dükenımızdı avtomattandyrdyq. Avtomattandyrǧannan keiın halyq ta qaryzǧa aluyn qoidy. Öitkenı, eşkım avtomatty aldai almaidy», - deidı käsıpker.
Kışkentai dükenın ülken supermarketke ainaldyrǧanyna biyl 2 jyl. Al şaǧynmarkettıŋ qyzmet etıp kele jatqanyna 5 jyldan asty. Altynbek Mūstafin qosymşa biznesın damytu üşın äleumettık jelınıŋ kömegı köp ekenın aitady. Naubaihanasyndaǧy türlı torttar men bälışterdıŋ suretterın äleumettık jelıge jariialau arqyly halyqty tartuǧa bolatynyn da jasyrmady. Aituynşa, qazır käsıbı audandaǧy bırınşı naubaihanaǧa ainalyp ülgergen. Jalǧyz naubaihana emes, auyldaǧy barlyq dükenınıŋ tūtynuşylary köp.
«Tuǧan jerge tuyŋdy tık»
Altynbek Mūstafin qazır Aqtöbe oblysy Temır audany Şūbarqūdyq kentındegı jastarǧa qoldau körsetude. Ol üşın «100 dos Shubar» qaiyrymdylyq qoryn aşyp, audandaǧy jastardy bır ortaǧa jinauda. Qoǧamdyq qor auyldyŋ sportşy jäne daryndy jastaryn qoldap, audannyŋ kömekke mūqtaj adamdaryna kömek körsetedı. Audan sportşylaryna jarysqa baruyn qamtamasyz etıp otyr. Qordyŋ aşylǧanyna 1 jylǧa juyq uaqyt bolyp qalsa da, bırşama ıs-şaralardy atqarǧan. Auyl jastarynyŋ arasynda sporttan saiystar ötkızıp, karantin kezınde mūqtaj jandarǧa kömektestı. Odan bölek, mektep oquşylarymen kezdesu ötkızıp, 100 taŋdauly kıtapty syiǧa tartty. Käsıpkerdıŋ aituynşa, qordy aşuǧa Jaqsylyq Üşkempırovtıŋ septıgı bolǧan.«100 dos Shubar» qoǧamdyq qorynyŋ aşyluyna Jaqsylyq Üşkempırov sebep boldy. Közı tırı kezınde «Auyl – el besıgı» jobasy kezınde tanysyp, bırneşe ret kezdesken edım. Keiın dastarhandas bolyp, önegelı sözderın estıdım. Ol qazaqtyŋ maŋdaiyna bıtken paluany ǧana emes, öz auylyna 200 balaǧa arnalǧan sport mektebın salyp, 50-den astam jas otbasyǧa üi syilaǧan käsıpker edı. Ol kısı Qazaqstanda 5000 auyl bolsa, ol 5000 auyldan şyqqan käsıpker auyldaryn körkeitse dep armandaityn edı. Mıne, sol sözı sanamda qalǧan. Sondyqtan tuǧan jerımdı körkeitu, auylymnyŋ jastaryn qoldau menıŋ basty maqsatym. Maqsatyma bır qadam jaqyndap kelemın. Ol üşın ärdaiym qyzmet ete bermekpın», - deidı biznesmen.
Käsıpker bolaşaq käsıp bastaimyn deuşılerge aqyl-keŋesın de aita kettı.
«Jaŋa bastama üşın jaŋa närsenı köruge ūmtylu kerek. Özıŋ qūryp alǧan kışkene şekaradan şyǧyp köru qajet. Älemdı, jaŋa jerlerdı aralau kerek. Eŋ bolmaǧanda jaŋa kıtap oqu kerek. Öitkenı, jaŋaşyldyq jaŋa bastamaǧa itermeleidı. Qanşa auyldyŋ balasy bolsaŋyz da, bılımdı bolsaŋyz bärınen ozasyz. Odan keiın, süiıktı ısıŋızge bar uaqytyŋyz ben energiiaŋyzdy jūmsaŋyz. Sonda ǧana bärı nätijelı bolady», dep bolaşaq käsıpkerlerge aqylymen bölıstı.Qazır Altynbek jūbaiymen ekı ūl, ekı qyz tärbielep otyr. Otbasynda syily äke balalarynyŋ bılımdı boluyna da köp köŋılın böledı.
«Eŋ bastysy – otbasy. Otbasynyŋ qoldauy qaşanda demeu bolady. Menıŋ biıkterge köterıluımnıŋ barlyǧy otbasymnyŋ arqasy. Olardyŋ qoldauy, olardyŋ bılımdı boluy men üşın maŋyzdy», dep sözın qorytyndylady käsıpker.
Dana Nūrmūhanbet
«Adyrna» ūlttyq portaly
Ūqsas jaŋalyqtar
