Aqtóbe oblysy Yrǵyz aýdanynda da tótenshe jaǵdaı jarııalandy. Bul týraly Aqtóbe qalasy ákiminiń baspasóz hatshysy Aıgúl Baımenova málimdedi, dep habarlaıdy “Adyrna” ulttyq portaly.
«Qarǵaly sý qoımasy toldy jáne Qarǵaly ózeninde sý deńgeıi kóterilip, Aqjar jáne Sadovoe turǵyn alaptary aýmaǵyndaǵy baý-baqsha ujymdaryn sý basý qaýpi týyndady. Tótenshe jaǵdaılar departamenti, jergilikti atqarýshy organ ókilderi, polıııa men áskerıler 140-tan astam adamdy qaýipsiz jerge kóshirdi. Olardyń 25-i - bala», -dedi Aqtóbe qalasy ákiminiń baspasóz hatshysy A.Baımenova.
Qarǵaly ózeni boıynda ornalasqan baý-baqsha ujymdarynyń úıin saqtaý úshin sý burý, arnany bekitý jumystary júrgizilgen. Sýdyń baǵytyn bógeý jumystaryna 80-nen asa áskerı, merdiger kompanııa ókilderi men 10-ǵa jýyq aýyr tehnıka jumyldyrylǵan.
Aıta keteıik, bul óńirdegi tótenshe jaǵdaı jarııalanǵan altynshy aýdan. Sonymen birge Aqtóbe qalasynda da túnde 100-den astam adam evakýaııalandy.
Eske salsaq, buǵan deıin Aqtóbe qalasy men Oıyl, Qobda, Muǵaljar, Temir, Áıteke bı aýdandarynda tótenshe jaǵdaı jarııalandy.
