NEET sanatyndaǵy jumyssyz jastardyń qataryn tolyqtyryp júrgen bul azamat oıǵa alǵan isin túngi ýaqytta júzege asyryp kelgen, dep habarlaıdy «Adyrna» tilshisi.
Jigit kesh qaraıǵan shaqta jolda jalǵyz kele jatqan qyzdardy tunshyqtyryp, keıin baǵaly zattaryn qoldy qylyp otyrǵan.
“Jedel-izdestirý is-sharalary barysynda 20 jastaǵy Jambyl oblysynyń turǵyny ustaldy. Qazirgi ýaqytta tonaý boıynsha úsh derekti anyqtadyq. Bir epızod beınebaqylaý kameralaryna túsip qalǵan. Qyzdar tótep bere almaıtyn jaǵdaıǵa jetken kezde, ol barlyq qundy zattardy: uıaly telefondardy, aqshany alyp, qarańǵy kóshelerde tyǵylyp qalǵan. Sondaı-aq qaskóı jábirlenýshiden tartyp alǵan aqshamen dúkende tólem jasaǵany da anyqtaldy. Ol óz isin moıyndady. Qazir kúdiktiniń qaladaǵy osyǵan uqsas buryn jasalǵan qylmystarǵa qatysy bar-joǵy tekserilip jatyr. Sotqa deıingi tergeý amaldary júrgizilýde”, – dedi Almaly aýdandyq Polıııa basqarmasynyń bastyǵy Esen Ysqaqov.
