Ūlytau oblysynda 2025 jyly internet-alaiaqtyq derekterı 179%-ǧa artqan. Atap aitqanda, qylmys sany 121-den 313-ke deiın ösıp, sonyŋ saldarynan jäbırlenuşılerge 500 mln teŋgeden astam materialdyq zalal keltırılgen.
Osyǧan bailanysty Ūlytau oblysynyŋ prokuraturasymen internet-alaiaqtyqtyŋ aldyn aluǧa baǧyttalǧan üilestıru jäne preventivtık şaralardyŋ keşenı qabyldanuda. Būl rette qūqyq qorǧau organdarynyŋ, memlekettık mekemelerdıŋ, käsıporyndardyŋ jäne būqaralyq aqparat qūraldarynyŋ özara ıs-qimylyna erekşe män berılude. Negızgı maqsat – tūrǧyndardyŋ qarjylyq jäne qūqyqtyq sauattylyǧyn arttyru, alaiaqtyq äreketterdıŋ keŋ taralǧan täsılderı turaly uaqtyly aqparat beru jäne osyndai qūqyq būzuşylyqtardyŋ aldyn alu.
Erekşe nazar halyqpen jäne eŋbek ūjymdarymen jürgızıletın profilaktikalyq jūmysqa audaryluda. Tiımdı baǧyttardyŋ bırı – käsıporyn qyzmetkerlerımen tüsındıru kezdesulerın ötkızu. Atap aitqanda, «Qazaqmys korporasiiasy» JŞS ūjymdarymen belsendı jūmys jürgızılude. Ötken jyly auqymdy aqparattyq-tüsındıru ıs-şaralary ūiymdastyrylyp, aǧymdaǧy jyly būl jūmys jüielı türde jalǧasuda.
Osy baǧyttaǧy kezektı tüsındıru kezdesuı oblys prokuraturasymen Q.İ. Sätbaev atyndaǧy «Jezqazǧan tau-ken öndırısı» qūiu-mehanikalyq zauytynyŋ eŋbek ūjymymen ūiymdastyryldy. Kezdesu barysynda qyzmetkerlerge internet-alaiaqtyqtyŋ keŋ taralǧan shemalary, onyŋ ışınde bank qyzmetkerı, polisiia nemese özge de resmi organ ökılı retınde habarlasu, kümändı sıltemeler joldau, jalǧan nesie räsımdeu, sondai-aq jalǧan investisiialyq jobalar men oŋai tabys tabuǧa şaqyratyn alaiaqtyq ūsynystar turaly jan-jaqty tüsındırıldı.
Sonymen qatar azamattarǧa internet keŋıstıgınde jeke derekterdı qorǧau, beitanys adamdarǧa bank kartasynyŋ derekterın, SMS-kodtardy jäne qūpiia sözderdı bermeu, tekserılmegen qosymşalar men sıltemelerge ötpeu, sondai-aq kümändı qarjylyq operasiialar kezınde dereu bankke nemese qūqyq qorǧau organdaryna jügınu qajettıgı eskertıldı.
Kezdesu barysynda internet-alaiaqtardyŋ jiı qoldanatyn psihologiialyq yqpal etu täsılderı de tüsındırıldı. Atap aitqanda, azamattardy asyqtyru, qorqytu, jalǧan aqparat arqyly qysym körsetu, «şūǧyl şeşım qabyldau qajet» degen äser qalyptastyru syndy ädısterdıŋ qauıptılıgıne nazar audaryldy.
Qabyldanǧan şaralardyŋ nätijesınde 2026 jyldyŋ bırınşı toqsanynda jaǧdaidy tūraqtandyruǧa qol jetkızıldı: internet-alaiaqtyq deŋgeiı ötken jyldyŋ osy kezeŋımen bırdei deŋgeide saqtaldy — 41 fakt.
Būl baǧyttaǧy jūmys aldaǧy uaqytta da jalǧasatyn bolady jäne halyqtyŋ qūqyqtyq sauattylyǧyn arttyruǧa, azamattardyŋ saqtyq mädenietın qalyptastyruǧa, sondai-aq internet-alaiaqtyq salasyndaǧy qylmys deŋgeiın tömendetuge baǧyttalady.
