Adam öltıruge oqtalǧan küdıktı Oŋtüstık Koreiadan Qazaqstanǧa ekstradisiialandy, dep habarlaidy “Adyrna” ūlttyq portaly Bas prokuraturanyŋ baspasöz qyzmetıne sıltep.
«Bügın Qazaqstan Respublikasy Bas prokuraturasy men Işkı ıster ministrlıgı İnterpolynyŋ qyzmetkerlerı Qazaqstannyŋ Koreia Respublikasyndaǧy Elşılıgınıŋ kömegımen adam öltıruge oqtalu faktısı boiynşa küdıktını qylmystyq jauapkerşılıkke tartu üşın ekstradisiialady», - delıngen habarlamada.
2022 jyldyŋ nauryz aiynda Türkıstan oblysy Sauran audanynda atalǧan azamat auyldasymen janjaldasyp, soŋy töbeleske ūlasqany habarlandy.
«Töbeles kezınde küdıktı qarsylasynyŋ keude tūsyna bırneşe ret pyşaq sūqqan. Der kezınde körsetılgen medisinalyq kömektıŋ arqasynda zardap şeguşı aman qaldy», - delıngen habarlamada.
Anyqtalǧandai, küdıktı atalǧan qylmysty jasaǧannan keiın 2024 jyldyŋ mausym aiynda Koreia Respublikasynyŋ aumaǧynda jasyrynǧan jerınde ūstalǧan.
Qazır ol Astanadaǧy tergeu izoliatoryna qamaldy.
Ūqsas jaŋalyqtar
