Qazaq önerınde "ägugai" da, "iligai" da, "dariǧai" da, tıptı "äläulai" da boldy. Al "däridai" bıreu-aq. Ony aqynnyŋ özı äu degende-aq endı qaityp ūmytpaityndai etıp zerdeŋe qūiyp beredı. Jas kezımızde aqyn aǧamyzdy Almatynyŋ alyp sahnasynan kördık. Ol kezde özı de onşa jasamys emes-tı. Düiım jūrttyŋ aldynda baqsydai oinap otyrdy. Bıraq, sözı sübelı, oiy oralymdy, talǧamy tereŋ, tolǧamy taǧylymdy, berekelı baqsy edı. Degenmen, dombyrasy özıne onşa baǧyna qoimaidy eken. Ättegen-ai, qara sözdı qūiyndai oinatqanda, älı künge deiın ekı şek pen toǧyz pernenı igere almaǧan nesı eken degenbız ıştei... Bärıbır sol jyldarda Mūqaş Seiıtqazinovtıŋ bolmys-bıtımı aitys önerındegı erekşe qūbylys retınde kökeiımızde jattalyp qaldy.
Tıldesudıŋ sätı tüspeptı. Tıptı amandasyp ta körmeppız. Alaida, janymyz jaqyn, oiymyz orailas. "Ūlytauda Ūlar jür közge tüspei, Sol Ūlardyŋ qasynda bır aqyn jür", - dep, Serık Aqsūŋqarūly jyrlaǧandai, Ūlytaudyŋ ūlylyǧy men Jezqazǧannyŋ jylylyǧynyŋ bügıngı bır ölşemı osy Mūqaş aǧam sekıldı körınedı maǧan...
Jüregıme jük artyp,
Aqyn boldym nesıne?! -
deptı ol bırde. Sol jürektı qozǧalysqa keltırıp tūrǧan da aqyndyǧyŋyz emes pe?!
Samǧai ber, saparlai ber, soǧa ber, Däridai-jürek!
Tuǧan künıŋız qūtty bolsyn, aǧa!
Bauyrjan OMARŪLY
