Şıldenıŋ bırınşı jeksenbısı Pavlodarlyqtar Ūlttyq dombyra künın atap öttı. Käsıbi küişılermen jas dombyraşylardan qūralǧan önerpazdar qala boiy köşpelı konsert ūsyndy.
Pavlodar oblystyq «Şaŋyraq» halyq şyǧarmaşylyǧy ortalyǧy erekşe jobany jüzege asyrdy. Bır künde qalanyŋ bırneşe bölıgınde köşpelı konsert ūiymdastyrdy. Konsertter qala boiynşa 7 saiabaqta öttı. Olar: Usolka şaǧyn audanyndaǧy NZM-nıŋ janyndaǧy saiabaq, qalalyq ortalyq saiabaq, Gagarin parkı, «Batyr Mall» sauda ortalyǧy, J.Aimauytov atyndaǧy qazaq muzyka-drama teatrynyŋ saiabaǧy, Rech tūraǧy, Estai atyndaǧy QMS - Estai aqynnyŋ eskertkışınıŋ aldy.
Ūlttyq dombyra künın atap öz deŋgeiınde atap ötu, qazaqtyŋ ūlttyq aspabyn, qasiettı qara dombyrany köpşılık qauymǧa nasihattau, qala köşelerınde ūlttyq önerdı, dästürlı än, küi, jyr-termelerdı äueletu, därıpteu, körermender auditoriiasyn maksimaldy auqymda qamtu maqsatynda ūiymdastyryldy.
Is-şara soŋy «Ertis Promenade» sahnasynda qortyndylandy. Onda İsa Baizaqov atyndaǧy oblystyq filarmoniianyŋ qazaq ūlt aspaptar orkestrı öner körsettı jäne oblystyq «Şaŋyraq» ortalyǧynyŋ «Qagan» etno-fiujn toby keştı qyzdyra tüsıp jinalǧan üş myŋnan asa halyqqa, ūltyq baǧyt pen zamanaui baǧytty ūştastyrǧan äuezdı keş ūsyndy.
Ūqsas jaŋalyqtar
