Foto: Evgenii Morozov
Ekınşı jyl qatarynan ötıp jatqan Halyk OIY Tech IT-konferensiiasy aqparattyq tehnologiialar, jasandy intellekt, derekterdı taldau jäne sifrlyq önımder salasynda jūmys ısteitın 500 maman jinady. Is-şara aiasynda mamandar qandai sūraqtardy talqylaǧany turaly – tolyǧyraq materialda.
Halyk OIY Tech IT-konferensiiasyn ūiymdastyruşy – Halyk Bank, al onyŋ bas serıktesı – halyqaralyq Visa tölem jüiesı. Biyl konferensiiaǧa bank mamandarymen qatar Visa, Amazon Web Services, Plug and Play jäne Ymatrix kompaniialarynyŋ ökılderı qatysty.
Jasandy intellekt mümkındıkterı – basty fokusta
Jiynda 30 spiker baiandama jasap, bank salasyndaǧy tehnologiialyq özgerıster men halyqaralyq täjıribe turaly pıkır almasty. Atap aitqanda, bank jüiesıne jasandy intellektını engızu, alaiaqtyqpen küresu, klientterge qyzmet körsetudı jetıldıru jäne qarjy salasyndaǧy tehnologiialardyŋ bolaşaǧy talqylandy.
Basymdyq – jasandy intellektınıŋ bank jūmysyndaǧy mümkındıkterıne berıldı.
Jasandy intellekt banktıŋ qai baǧyttarynda qoldanylatynyn Halyk Bank basqarma töraǧasynyŋ orynbasary, täuekel-menedjment basşysy Roman Maşchyk tüsındırdı. Onyŋ aituynşa, Halyk Jİ-dı üş baǧytta qoldanady. Atap aitqanda, nesie beru kezınde derekterdı taldau, bank ışındegı jūmysty jeŋıldetu jäne tapsyrmalardy özdıgınen oryndai alatyn jasandy intellekt agentterdı damytu.
Jaŋa sifrlyq kömekşı klientterge qalai kömektese alady
Bank klientterıne arnalǧan jaŋa sifrlyq kömekşını Halyk basqarma töraǧasynyŋ orynbasary Kiril Bachvarov tanystyryp öttı. “Qazır sifrlyq kömekşınıŋ ekı negızgı qyzmetı jūmys ısteidı. Bırınşısı – paidalanuşylardyŋ sūraqtaryna jauap beru. Ekınşısı – telefonnyŋ bailanys tızımındegı adamǧa aqşa audaru. Mysaly, klient “Jūbaiyma aqşa audar” dep tapsyrma bere alady”, – dedı Kiril Bachvarov.
Onyŋ aituynşa, sifrlyq kömekşı bank qyzmetterıne qol jetkızudı edäuır jeŋıldetuge mümkındık beredı. Bügınde köptegen mobildı qosymşada qajettı qyzmettı tabu üşın bırneşe bölımdı aşyp, bırqatar ärekettı oryndau qajet. Al sifrlyq agent būl qadamdardy qysqartady.
Jİ agentter operasiialardy jedeltedı
Halyk derekter ofisınıŋ basşysy Rüstem Mūratbekovtyŋ aituy boiynşa, jaŋa tehnologiialar arqasynda banktıŋ ışkı jūmys prosesterı de özgerıp jatyr. Bank ışınde biznes prosesıne kömektesetın 70-ten astam jasandy intellekt agentı bar.
“Būryn bır tehnologiiadan ekınşısıne köşu üşın bır nemese bır jarym jyl qajet bolatyn edı. Qazır mūndai jūmysty ekı-üş aida aiaqtauǧa mümkındık bar. Oǧan jasandy intellektınıŋ kömegımen aqparatty jyldam taldau, mamandardyŋ jūmysyn jeŋıldetu jäne keibır prosesterdı avtomattandyru yqpal etedı”, – dedı Rüstem Mūratbekov.
Onyŋ sözınşe, tehnologiialyq transformasiianyŋ negızgı mındetterınıŋ bırı – bankte jinaqtalǧan täjıribe men bılımdı köpşılıkke qoljetımdı etu. Būl rette konferensiia IT salasynyŋ mamandary men studentterge naryqtaǧy jaŋa ürdısterdı zerdelep, tyŋ jobalar men äzırlemeler turaly bıluge jol aşady.
Halyk OIY Tech konferensiiasy alǧaş ret 2025 jyly ūiymdastyryldy.
