Oljas Súleımenov Almaty qalasynda baspasóz máslıhatyn ótkizip, jańa "Qazaqstan halyq kongresi" dep atalatyn partııa quratynyn málimdedi, dep habarlaıdy «Adyrna» ulttyq portaly.
Oljas Súleımenov baspasóz ókilderimen kezdesý barysynda jer jáne onyń qoınaýy halyqqa tıesili bolýy kerek ekenin jáne árbir qazaqstandyqqa ulttyq resýrstardan kepildendirilgen tabys túsýi qajet ekenin aıtty.
"30 jyl buryn halyq kongresi aıtqan sózdi, ıaǵnı jer jáne onyń qoınaýy halyqqa tıesili bolýy kerek ekenin keshe Qasym-Jomart Toqaev qaıtalady", – deıdi Oljas Súleımenov.
Sondaı-aq, baspasóz ókilderimen kezdesý barysynda Oljas Súleımenov Ýkraına men Reseı arasyndaǵy jaǵdaı týraly da aıtyp ótti.
«2014 jyly Ýkraına memlekettik retinde ýkraın tilin qaldyryp, orys tilin tómendetti. Qazir sonyń nátıjesin kórip otyrmyz. Osydan sabaq alýymyz kerek», - dedi aqyn.
Aqyn partııa quratyny týraly habarlandyrýǵa qol qoıyp, tıisti organǵa joldaǵanyn aıtady.
"Adyrna" ulttyq portaly
