ولجاس سۇلەيمەنوۆ الماتى قالاسىندا ءباسپاسوز ءماسليحاتىن وتكىزىپ، جاڭا "قازاقستان حالىق كونگرەسى" دەپ اتالاتىن پارتيا قۇراتىنىن مالىمدەدى، دەپ حابارلايدى «ادىرنا» ۇلتتىق پورتالى.
ولجاس سۇلەيمەنوۆ ءباسپاسوز وكىلدەرىمەن كەزدەسۋ بارىسىندا جەر جانە ونىڭ قويناۋى حالىققا تيەسىلى بولۋى كەرەك ەكەنىن جانە ءاربىر قازاقستاندىققا ۇلتتىق رەسۋرستاردان كەپىلدەندىرىلگەن تابىس ءتۇسۋى قاجەت ەكەنىن ايتتى.
"30 جىل بۇرىن حالىق كونگرەسى ايتقان ءسوزدى، ياعني جەر جانە ونىڭ قويناۋى حالىققا تيەسىلى بولۋى كەرەك ەكەنىن كەشە قاسىم-جومارت توقاەۆ قايتالادى", – دەيدى ولجاس سۇلەيمەنوۆ.
سونداي-اق، ءباسپاسوز وكىلدەرىمەن كەزدەسۋ بارىسىندا ولجاس سۇلەيمەنوۆ ۋكراينا مەن رەسەي اراسىنداعى جاعداي تۋرالى دا ايتىپ ءوتتى.
«2014 جىلى ۋكراينا مەملەكەتتىك رەتىندە ۋكراين ءتىلىن قالدىرىپ، ورىس ءتىلىن تومەندەتتى. قازىر سونىڭ ناتيجەسىن كورىپ وتىرمىز. وسىدان ساباق الۋىمىز كەرەك»، - دەدى اقىن.
اقىن پارتيا قۇراتىنى تۋرالى حابارلاندىرۋعا قول قويىپ، ءتيىستى ورگانعا جولداعانىن ايتادى.
"ادىرنا" ۇلتتىق پورتالى
