Bışkekte Oljas Süleimenovke Nobel syilyǧyn beru bastamasy qozǧaldy, dep habarlaidy "Adyrna" ūlttyq portaly.
Bastama aqynnyŋ 90 jyldyǧyna arnalǧan halyqaralyq döŋgelek üstel barysynda aitylǧan.
Būl turaly Şyŋǧys Aitmatov atyndaǧy Halyqaralyq Ystyqköl forumy prezidentı Asqar Aitmatov mälımdedı. Onyŋ aituynşa, bastama qyrǧyzstandyq ǧalym Zainidin Qūrmanov tarapynan ūsynylǧan.
"Oljas Süleimenovtıŋ kandidaturasyn Nobel syilyǧyna ūsynu turaly söz bolyp otyr", – dedı Asqar Aitmatov.
Döŋgelek üstelge qatysuşylar aqynnyŋ ädebietke, türkı mädenietıne jäne jahandyq antiiadrolyq qozǧalysqa qosqan ülesın erekşe atap öttı. Olar Süleimenovtı älemdık deŋgeidegı tūlǧa ärı qazaq ziialylarynyŋ eŋ tanymal ökılderınıŋ bırı retınde baǧalady.
Kezdesu barysynda "Nevada – Semei" qozǧalysynyŋ tarihi rölıne de nazar audaryldy. Qatysuşylar būl bastama Semei iadrolyq poligonyn jabuǧa yqpal etıp, iadrolyq qarusyz älem jolyndaǧy kürestıŋ simvolyna ainalǧanyn aitty. Sondai-aq spikerler "Az i Iа" eŋbegınıŋ keŋestık kezeŋdegı mädeni-tarihi maŋyzyn eske aldy.
Is-şara barysynda Oljas Süleimenov onlain formatta söz söilep, qatysuşylarǧa alǧys bıldırdı jäne barşaǧa beibıtşılık pen amandyq tıledı. Konferensiiaǧa Qazaqstan men Qyrǧyzstannyŋ diplomattary, ǧalymdary, qoǧam qairatkerlerı jäne mädeni ūiym ökılderı qatysty.
Aita keteiık, 2025 jyly Oljas Süleimenovtı Nobel syilyǧyna ūsynu turaly «Baitaq» jasyldar partiiasynyŋ eseptık konferensiiasynda jariialanǧan edı.
