«AMANAT» partiiasynyŋ Respublikalyq sailaualdy ştabynyŋ müşelerı öŋırlerde sailauşylarmen kezdesudı jalǧastyryp jatyr. Bügın partiialyqtar Qaraǧandy oblysyna keldı.
Temırtauda ekologtarmen, qala belsendılerımen jäne önerkäsıp käsıporyndarynyŋ ökılderımen kezdesu barysynda partiianyŋ «Halyqpen bırge!» sailaualdy baǧdarlamasynda körsetılgen ekologiialyq ahualdy jaqsartu şaralary talqylandy
«Ekologiia – azamattardyŋ ömır süru sapasyna äser etetın maŋyzdy faktorlardyŋ bırı. Sondyqtan bızdıŋ sailaualdy baǧdarlamamyzdyŋ bütındei bır bölımı qorşaǧan ortany qorǧauǧa arnalyp otyr. Bız öndıruşı jäne energetikalyq kompaniialardyŋ zaŋnama aiasynda jūmys ısteuın qadaǧalaimyz. Zaŋ talaptaryn ainalyp ötkısı keletınderge mümkındık berılmeidı», - dedı «AMANAT» Töraǧasy Erlan Qoşanov.
Sondai-aq, qūjatta lastanu deŋgeiı joǧary eldı mekenderdegı käsıporyndardan şyǧatyn qaldyqtardyŋ normativın 40%-ǧa deiın tömendetu közdelgen. Su balansyn saqtau üşın 14 jaŋa su qoimasyn salu jäne jūmys ıstep tūrǧan 16 su qoimasyn qaita jaŋartu josparlanyp otyr. Ekologiialyq jäne sanitarlyq talaptarǧa säikes keletın qoqys poligondarynyŋ ülesı üş esege ūlǧaitylady.
Kostenko atyndaǧy şahtada partiialyqtar kömır öndıruşıler men metallurgter käsıpodaq ūiymdarynyŋ ökılderımen kezdestı.
«Eŋbek adamy ärqaşan partiianyŋ nazarynda. Bızdıŋ sailaualdy baǧdarlamamyzdy partiianyŋ emes, käsıpodaqtyŋ qūjaty deuge bolady. Öitkenı ol eŋ aldymen eŋbek jaǧdailaryn jaqsartuǧa, jūmys beruşınıŋ jauapkerşılıgın jäne öndırıstegı qauıpsızdıktı arttyruǧa baǧyttalǧan. Bız ädıldık ornatamyz – jūmysşy barynşa qorǧaluy tiıs», - dep atap öttı Erlan Qoşanov.
Osylaişa, bılıktılıgı şeteldıktermen bırdei qazaqstandyq mamandar olarmen teŋ jalaqy alatyn bolady. Partiialyqtar ziiandy jäne qauıptı öndırısterde jūmys ısteitın jūmysşylardyŋ zeinetke erte şyǧu mümkındıgıne qol jetkızedı. Elımızdıŋ barlyq käsıporynynda eŋbek medisinasy qyzmetı ıske qosylady.
Būdan soŋ partiialyqtar Qaraǧandy qalasyndaǧy «Sūryptau» temırjol stansiiasynyŋ eŋbek ūjymymen kölık jäne logistika salasyndaǧy özektı mäselelerdı talqylady.
Sailaualdy baǧdarlamada elımızdegı temırjoldarda paidalanylatyn otandyq materialdardyŋ ülesın ūlǧaitu közdelıp otyr. Eskı vagondar Qazaqstanda öndırılgen jaŋa vagondarǧa auystyrylatyn bolady. Sailauda jeŋıske jetken jaǧdaida «AMANAT» partiiasy sauda jäne kölık-logistikalyq infraqūrylymdy damytudyŋ auqymdy baǧdarlamasyn qabyldaidy.
Osy künı RSŞ müşelerı qandastarmen, därıgerlermen, fermerlermen jäne basqalarmen kezdestı.
Daiyndaǧan: "AMANAT" partiiasynyŋ baspasöz qyzmetı
Tapsyrys beruşı: M.J. Ospanov
“AMANAT” partiiasynyŋ sailau qory qarajaty esebınen tölendı.
