Jastardyń jumyssyz júrgenine kim kináli?

2729
Adyrna.kz Telegram

NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri boıynsha Almaty qalasyndaǵy Turan ýnıversıtetinde «NEET jastary: qulyqsyz jastardy qalaı yntalandyramyz?» taqyrybynda saraptamalyq pikirtalas ótti. Is-shara «Jastardy áleýmettendirý jáne ońaltý» jobasy aıasynda bastaý aldy.

Is-shara shymyldyǵyn Turan ýnıversıtetiniń doenti, f.ǵ.k. Gúljan Qajymuratqyzy ashyp berdi. Ol búgingi tańdaǵy jastar arasyndaǵy ózekti máselelerdiń osyndaı jobalar arqyly sheshimin tapqany el erteńi úshin tıimdi bolaryn atap ótti:

“Búgingi kúni jastar arasynda birqatar problemalar bar. Ásirese NEET sanatyndaǵy jastardyń jaǵdaıy bizdi alańdatpaı qoımaıdy. Osy joba NEET sanatyndaǵy jastar úlesin tómendetý maqsatynda keshendi sharalar uıymdastyryp júrgeni bizdi qýantady. Jastarǵa baǵyt-baǵdar berip, jol kórsetýimiz kerek" deıdi Gúljan Qajymuratqyzy.

Saraptamalyq pikirtalasqa Almaty qalasy ákimdiginiń «Halyqty jumyspen qamtý ortalyǵy» ókilderi, «Atameken» kásipkerler palatasynyń qyzmetkerleri, mádenıettanýshy, jýrnalıster, qoǵam belsendileri men jastar qatysty.

Talqylaýda qatysýshylar jastardyń jumys jáne oqýǵa kelgende belsendilik tanytpaý sebepteri, NEET sanatyndaǵy jastarǵa qoldaý kórsetý jáne kásibı baǵdarlaý túrleri, jastardy      eńbekke beıimdeý maqsatynda sharalar týraly taqyryptardy qozǵady.

«Bizdiń jastarǵa, bıznes ashamyn deýshilerge úkimettiń bergen múmkindin kóbi paıdalanýdy bilmeıdi. Buryn jyl saıyn bizdiń uıymnan 2000 adam grant utyp alatyn. Al qazir azaıyp barady. Tek dál sondaı grant úshin konkýrsqa qatysatyndardyń basym bóliginde bıznesi bar. Al jumyssyz júrgen jastar qaıda?Nege múmkindikti paıdalanbaıdy? Biz kez-kelgen adamǵa kómektesýge daıynbyz»,- deıdi Almaty qalasynyń Kásipkerler palatasy kásipkerlikti qarjylyq emes qoldaý bóliminiń basshysy Narıman Túgelbaıuly.

Kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.

«Stýdentter oqýyn bitirgennen keıin mamandyǵy boıynsha jumys istegisi kelmeıdi. Bizdiń «Jumyspen qamtý ortalyǵy» jyl saıyn tizim boıynsha stýdentterge jumys berý maqsatynda habarlasamyz. Alaıda basym bóligi jumysqa qulyqsyz ekendigin bildirip, bas tartady. Bizdiń taraptan kóptegen júmystar atqarylyp jatyr, tek jastar eńbektense eken»,-deıdi «Halyqty jumyspen qamtý ortalyǵynyń» qyzmetkeri Jansaıa Jarylqasyn.

Shara uıymdastyrýshysy QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Adyrna» ulttyq-etnografııalyq birlestigi» qoǵamdyq qory.

 

Pikirler