1 nauryz elımızde jalpyhalyqtyq mereke – Alǧys aitu künı. Būl künı qazaqstandyqtar bır-bırıne qūrmet körsetıp, rizaşylyǧyn bıldıredı. Atalǧan merekenıŋ tarihyna qysqaşa toqtalyp ötsek.
Alǧys aitu künınıŋ tarihyn bılesız be?
Keşegı qily zamanda qazaq halqy taǧdyrdyŋ jazuymen elge kelgen özge etnos ökılderıne keŋ qūşaǧyn jaiyp, bauyryna tartty, bır üzım nanymen bölıstı.
Stolypin reformasy kezınde elge tūtas etnostar deportasiialandy. Türlı etnos ökılderın vagondarmen aşyq dalaǧa äkep tastady. Onsyz da künın äreŋ körıp otyrǧan qazaq otbasylary olardy üiıne kırgızıp, qamqorlyq tanytty. XX ǧasyrdyŋ basynda Qazaqstanǧa Belarus, Resei jäne Ukrainadan 1,1 million adam qonys audardy, al 1930 jyldary ūjymdastyru barysynda 250 myŋ şarua jer audarylyp, taǧy 1,2 millionǧa tarta adam önerkäsıp nysandaryn tūrǧyzuǧa kelgen. Olardyŋ bärı Qazaqstanda ornyǧyp, qiyn kezeŋderdı qazaq halqymen bırge eŋserdı. Sondyqtan eldegı merekeler qatarynyŋ Alǧys aitu künımen tolyǧuy igılıktı ıs boldy. Būl künnıŋ astarynda qazaq halqynyŋ bauyrmaldyǧy men meiırımdılıgıne rizaşylyq bıldıru jatyr.
Alǧys aitu künı – qazaqstandyq patriotizmnıŋ, bırlık pen dostyqtyŋ jarqyn merekesı. Qazaqstan halqy būl meiramdy alǧaş ret 2016 jyly atap öttı. 2016 jyldyŋ 14 qaŋtarynda QR tūŋǧyş prezidentı – Elbasy Nūrsūltan Nazarbaev Qazaqstan halqy Assambleiasynyŋ qūrylǧan künın, iaǧni 1 nauryzdy Alǧys aitu künı etıp jariialady.
"Qazaqstan halqy assambleiasy qūrylǧan kün, iaǧni 1 nauryzdy jyl saiyn barlyq etnostyŋ bır-bırıne jäne meiırbandyq tanytyp, ol adamdardy öz tuǧanyndai qabyldaǧan qazaqtarǧa alǧys aitu künı retınde atap ötu ädılettı bolar edı. Būl kün bızdı būrynǧydan da görı jaqyndastyra tüspek. Būl kün meiırımdılıktıŋ, bükıl qazaqstandyqtardyŋ bır-bırıne degen dostyǧy men mahabbatynyŋ jarqyn merekesı bola alar edı", - degen bolatyn Nazarbaev Assambleia sessiiasynda.
Būl merekenıŋ maqsaty – öskeleŋ ūrpaqty dostyq, bır-bırıne degen qūrmet pen toleranttylyqqa, otansüigıştıkke tärbieleu, Qazaqstanda etnikaralyq kelısım men ūltaralyq qarym-qatynasty nyǧaitu bolyp tabylady.
"Adyrna" ūlttyq portaly
Ūqsas jaŋalyqtar
