Úsh jasar qyzdy qutqarǵan Sábıt Shontaqbaev halqyna ún qatty

2580
Adyrna.kz Telegram
Foto: Instagram jelisinen
Foto: Instagram jelisinen

Nur-Sultanda segizinshi qabatta terezege ilinip turǵan qyzdy qutqarǵan 36 jastaǵy Sábıt Shontaqbaev Qazaqstan halqyna ún qatty, dep habarlaıdy “Adyrna” ulttyq portaly tengrinews.kz saıtyna silteme jasap.

"Jaǵdaıym jaqsy. Jańa ǵana úsh bólmeli páter bergen qurylys kompanııasynyń keńsesinen shyqtym. Qujattardy toltyryp shyqtym. Maǵan kómektesken dosyma da eki bólmeli páter beriledi dedi. Qazir qujattaryn daıyndap jatyr", - dedi Shontaqbaev .

Aıtýynsha, oǵan belgisiz bireýler telefon soǵyp, keshegi áreketi úshin alǵys aıtyp jatqan kórinedi.

"Bárin birdeı este saqtaı almaımyn, bári alǵys aıtyp, qoldap jatyr. Jezqazǵan, Kókshetaý, Taldyqorǵan, Almatydan, jan-jaqtan telefon soǵyp jatyr. Tipti, kóbin tanymaımyn", - deıdi ol.

Sábıt Shontaqbaev qoldap jatqan Qazaqstan halqyna alǵysyn bildirdi.

"Qudaıǵa shúkir, maǵan bári jetedi. Qazaqstan halqyna ún qatqym keledi, kómektesip jatqan adamdarǵa alǵys aıtamyn. Bir-birimizge jaqsylyq jasaý óte durys", - deıdi ol.

Sábıt qyzdyń ata-anasymen  áli kezdespegenin aıtty.

"Qyzdyń anasy telefon soǵyp, alǵys aıtty. Ata-anasyn áli kórgen joqpyn", - dep túıindedi ol.

”Adyrna” ulttyq portaly

Pikirler