Almatyda iri qarjy pıramıdasynyń uıymdastyrýshysy ustaldy. Bul týraly Almaty polıııa basqarmasy bastyǵynyń tergeý jumysy jónindegi orynbasary Rýstam Abdrahmanov málimdedi, dep jazady Orda.kz.
1982 jyly týylǵan azamat K. Qylmystyq kodekstiń 217-baby, 3-bóligi, 2-tarmaǵy boıynsha qylmys jasady dep aıyptalýda. Kúdikti ustalyp, qamaýǵa alyndy, – dedi ol óziniń Facebook paraqshasynda.
Rýstam Abdrahmanov bir top azamat Almaty qalalyq polıııa departamentine qarjylyq pıramıda qurý jáne basqarý faktisi boıynsha «ASTEX.KZ» JShS, «ACD technology» JShS jáne «MUDARABAN Capital» JShS sheneýnikterine qatysty ujymdyq ótinishpen júgingenin eske túsirdi.
Sotqa deıingi tergeý barysynda 2019 jyldyń aqpanynan bastap 2021 jyldyń qańtaryna deıingi aralyqta atalǵan JShS laýazymdy tulǵalary jeke jáne zańdy tulǵalarmen memlekettik satyp alýǵa qatysýǵa talap etilgen qarajatty tartý maqsatynda birlesken qyzmet týraly kelisimsharttar jasaǵany anyqtaldy. Ekijaqty qujatqa sáıkes fırmalar aı saıyn ár salymshyǵa salynǵan jarna somasynyń 20% tólep otyrýy kerek edi, – dedi bólim basshysynyń orynbasary.
Sonymen qatar, 160 salymshynyń «ASTEX.KZ» JShS-de shamamen 1 mlrd teńge kólemindegi qarajat onyń «MUDARABAN CAPITAL» JShS agenttik kompanııasy arqyly kelgeni anyqtaldy.
Polıııa qyzmetkerleri ol «ASTEX.KZ» JShS men «ACD technology» JShS sııaqty basqa kompanııalar quryp, solar arqyly salymshylardan aqsha tartqan deıdi.
Abdrahmanov atap ótkendeı, 1974 jyly týylǵan azamat M. qarjy pıramıdasyn qurdy jáne basqardy dep kúdiktelýde.
Ony ustaý úshin jedel-tergeý is-sharalar kesheni júrgizilýde. Sot joǵaryda atalǵan JShS-niń zańdy meken-jaılary boıynsha izdestirý is-sharalaryn júrgizý týraly sheshimderge sankııa berdi. Sotqa deıingi tergeý Almaty qalasy polıııa departamentiniń Tergeý basqarmasynyń tergeýshilerine tapsyryldy, – dep qosty Abdrahmanov.
Buǵan deıin Almaty polıııasy «ASTEX» ınvestıııalyq kompanııasynyń jetekshisi Almaz Qurmanǵalıevti izdep jatqandyǵy habarlanǵan. Kompanııa tenderlerde aqshany «aınaldyrýdy», al onyń ornyna aı saıyn joǵary paıyzdar tóleýdi usyndy.
Jábirlenýshiler bul kompanııany prodıýser Baıan Alagózova jarnamalaǵandyqtan, ınvestıııa salyp, artynan aldanyp qalǵanyn aıtty.
