“Reseıden bólinemiz!”: Bashqurtstan bas kóterdi

9521
Adyrna.kz Telegram

Bashqurtstan bas kóterdi. Olar Reseıden bólinbek. Bul týraly jýrnalıst Nurgeldi Ábdiǵanı Facebook paraqshasynda jazdy, dep habarlaıdy “Adyrna” ulttyq portaly.

«Ótken jyly álemde uly, batyr halyq paıda boldy. Ol – Ýkraına halqy», - deıdi Bashqurt ulttyq saıası ortalyǵynyń jetekshisi Rýslan Gabbasov.

Onyń aıtýynsha, Ýkraına halqy Reseı basqynshylyǵynan tek ózderin ǵana qutqaryp qoıǵan joq, olar ózge de bodanǵa túsken halyqtardyń boıyna kúsh-jiger darytty.

«Osydan jyl buryn «orys álemi» ólim dánin sebýshi, zulymdyq pen qanpezerliktiń naq kórsetkishi ekenin dáleldep berdi. «Orys áleminde» bizdi tek qana ólim kútip tur. Onyń ózderi kórsetip otyr», - deıdi ol.

Bashqurt ulttyq qozǵalysynyń jetekshisiniń sózinshe, soǵys bastalǵannan beri Bashqurtstan óz táýelsizdigi úshin kúresý kerek ekenin, Reseıden jolyn aıyrý kerek ekenin túsindi.

«Endi ımperııamen jolymyz bólek. Bashqurt ulttyq qozǵalysy sanaly túrde Bashqurtstannyń táýelsizdigin tańdady. Mundaı múmkindikti bizge jaratýshynyń ózi berip otyr. Endi biz sol múmkindikti mindetti túrde 100 paıyz túgel paıdalanamyz», – dedi Gabbasov.

Respýblıka óz táýelsizdigi úshin kúresetinin jetkizdi.

Sońǵy kezderi Reseı Federaııasy quramyndaǵy Bashqurtstan Respýblıkasynda azattyq alýǵa baılanysty qozǵalystar jıi baıqala bastady.

Pikirler