QŪRMETTI ŞYMKENT QALASYNYŊ TŪRǦYNDARY!
Barşaŋyzǧa belgılı, aǧymdaǧy jyldyŋ 16 nauryz künı QR Prezidentı Qasym-Jomart Toqaev el aumaǧynda tötenşe jaǧdai jariialady.
Sol uaqyttan bastap QR Densaulyq saqtau ministrlıgı koronovirustyŋ taraluyn aldyn alu boiynşa bekıtılgen algoritmge säikes jūmystar atqarylyp jatyr.
ÖKINIŞKE ORAI, QALAMYZDA KORONOVİRUS INDETIN JŪQTYRǦAN 2 AZAMAT TIRKELDI.
Qazırgı uaqytta olar Şymkent qalasynyŋ jūqpaly aurular auruhanasynda oqşaulanyp, em qabyldauda. Jaǧdailary tūraqty.
Bırınşı nauqas 18 nauryz künı saǧat 17.30-da Nūr-Sūltan qalasynan «Nūr-Sūltan-Jetısai» baǧytymen jüretın 51 adam mıngen avtobuspen kelgen.
20 nauryz saǧat 23:30-da 4 azamat Şymkent qalasy Bekjan avtovokzalynan tüsıp, üşeuı Türkıstan qalasy baǧytyna jolǧa şyqqan. Al, bıreuın äkesı öz kölıgımen üiıne jetkızgen. Qalǧan 47 azamat Jetısai baǧytyna sol avtobuspen saparyn jalǧastyrǧan.
Al, jaman ındettı jūqtyrǧan azamat 23 nauryzǧa deiın üiınde öz betınşe em qabyldaǧan. Auruy asqynǧannan keiın jergılıktı ambulatoriiaǧa joǧary dene qyzuymen, bas auruymen, jötelmen şaǧymdanǧan.
Nätijesende osy azamat otbasymen stasionarlyq baqylauǧa alyndy. Bügın atalǧan azamattyŋ anasynan test analizı alynyp, oŋ nätije körsetıldı.
Şūǧyl türde, nauqastarmen qarym-qatynasta bolǧan 2 — medisina qyzmetkerı otbasylarymen jäne 5 potensialdy qatynastaǧy azamattar oqşaulanyp, jūqpaly aurular auruhanasyna jatqyzyldy.
Bügıngı taŋda, Nūr-Sūltan-Şymkent qalalary men Türkıstan oblysyndaǧy atalǧan azamatpen bailanysta bolǧan barlyq azamattar oqşaulandyrylyp, bırlesken şaralar ūiymdastyryluda.
Qazırgı taŋda ındettıŋ aldyn alu maqsatynda Şymkent qalasynda üzdıksız jūmystar jürgızılıp keledı.
Qauıpsızdık şaralardyŋ negızgı baǧyttaryna toqtalyp ötsem:
BIRINŞIDEN,
qalaǧa kıretın azamattardyŋ densaulyǧyn tekseruden ötkızıp, qauıpsızdıktı qamtamasyz etu maqsatynda kıreberıs jol qaqpalarǧa 12 sanitarlyq beketter qoiyldy.
Būǧan deiın, temırjol vokzaly men äuejai da sanitarlyq baqylauǧa alynǧan.
EKINŞIDEN,
qaladaǧy bazarlarda, sauda ortalyqtarynda, avtobustarda, qoǧamdyq oryndarda jäne basqa da adamdar köp şoǧyrlanatyn jerlerde dezinfeksiialyq jūmystar künıne 2 ret jürgızılude.
ÜŞINŞIDEN,
barlyq qoǧamdyq oryndarǧa betperdemen kıru mındetteldı.
Betperdemen qamtamasyz etu üşın jergılıktı käsıpkerlermen bırge künıne 100 myŋnan astam medisinalyq betperdeler tıgılıp, qala aumaǧyndaǧy därıhanalar men bazarlarǧa jetkızılude.
Sonymen qatar, antiseptik önımderın şyǧaratyn «ORDABASY» industrialdy aimaǧyndaǧy käsıporyn künıne 4 tonna zalalsyzdandyru önımderın şyǧaruda.
TÖRTINŞIDEN,
qauıpsızdık maqsatynda qala aumaǧyndaǧy oqu oryndarynyŋ barlyǧy demalysqa şyǧyp, qaşyqtan oqytu jüiesımen jūmys jasauda. Al, 26 nauryzdan bastap balabaqşalardyŋ barlyǧy jūmysyn toqtatatyn bolady.
Sonymen qatar, qaladaǧy toihanalar, oiyn-sauyq oryndary tolyǧymen toqtatylyp, sauda ortalyqtary men meiramhanalardyŋ jūmys uaqyttary şekteldı.
BESINŞIDEN,
Şymkent qalasy äkımdıgı tarapynan Äleumettık maŋyzy bar tauarlardyŋ baǧasyn tūraqty ūstap tūru boiynşa arnaiy ştab qūrylyp, azyq-tülıktıŋ baǧalaryna kündelıktı monitoring jürgızılude.
Bügıngı taŋda ASA QAJETTI 19 AZYQ-TÜLIK türınıŋ baǧasyn tūraqty ūstap tūru üşın 3 mlrd teŋgege juyq qarjy qaraldy.
ŞYMKENTTE AZYQ-TÜLIK QORY JETKILIKTI. BAǦA BAQYLAUDA. SONDYQTAN, ALAŊDAUǦA, EŞ NEGIZ JOQ.
ALTYNŞYDAN,
15 nauryzdan bastap Şymkent qala aralyq avtobustar vokzalylynan jüretın halyqaralyq jäne 22 nauryzdan Nūr-Sūltan men Almaty baǧyttary şekteldı.
Bügınnen bastap avtobeketterdıŋ jūmysy tolyǧymen toqtatyldy.
Tötenşe jaǧdai jariialanuyna bailanysty bügıngı künde qoǧamdyq kölıkter baǧytynyŋ 25 paiyzy uaqytşa qysqartyldy.
JETINŞIDEN,
Qala aumaǧynda koronavirus infeksiiasynyŋ jappai taralu qaupı anyqtalǧan jaǧdaida äreket etudıŋ algoritmı jasalynyp, aurulardy jatqyzatyn 170 oryndyq infeksiialyq stasionar qūryldy.
Būdan basqa, 680 oryndyq provizorly jäne 1500-ge juyq karantindık stasionar daiyndaldy.
Bügıngı taŋda, medisina qyzmetkerlerı jūmysyna qajettı qūral-jabdyqtar men därıler tolyǧymen jetkılıktı.
Qajettılık bolǧan jaǧdaida būdan basqa da bekıtılgen algoritm boiynşa jūmystar jürgızıletın bolady. Bügıngı taŋda qalany tolyq karantinge jabuǧa negız joq. Mäsele menıŋ jeke baqylauymda.
Qala tūrǧyndaryn aqparatpen qamtamasyz etu maqsatynda bailanys ortalyǧy qūryldy.
Qazırgı taŋda, qala tūrǧyndary Densaulyq saqtau ministrlıgı ūsynǧan profilaktikalyq şaralardy qataŋ qoldanuymyz qajet.
Tötenşe jaǧdaida ärbır tūrǧynnyŋ qauıpsızdıgı maŋyzdy. Sondyqtan bärımız arnaiy talaptardy saqtauǧa mındettımız.
Qūrmettı jerlester!
Tötenşe jaǧdai kezeŋınde barlyq saqtyq şaralaryn qoldanyp, özderıŋızdıŋ jäne jaqyndaryŋyzdyŋ qauıpsızdıgı üşın üilerıŋızde boludy sūraimyn. Barlyq jaǧdailarǧa tüsınıstıkpen qaraularyŋyzdy ötınemın.
Bız bırgemız! Sızdıŋ qauıpsızdıgıŋız, eldıŋ qauıpsızdıgı! Osyny esten şyǧarmauymyz kerek. Bız koronavirustyŋ beleŋ aluyna jol bermeu maqsatynda barlyq küş-jıgerımızdı salyp jūmys jasaimyz.
El aman, jūrt tynyş bolsyn! Būl qiyndyqtardy jeŋetınımızge senemın.
Nazarlaryŋyzǧa raqmet!
Ūqsas jaŋalyqtar
