Eldegi agroónerkásiptik keshenniń ilgeri damýyna jan-jaqty qoldaý kórsetilip, júıeli jumystar atqarylatyn bolady. Sáıkesinshe, keler jyly sýbsıdııalaý júıesi jańartylyp, atalmysh baǵytqa qosymsha 388,2 mlrd.teńge qarastyrylmaq. Bul týraly QR aýylsharýashylyǵy mınıstri Erbol Qarashókeev Qapshaǵaıda ótken alqaly jıynda málimdedi.
Aýylsharýashylyǵyn damytý-básekege qabiletti ekonomıka qurýdyń negizgi mehanızimi degen tujyrymnyń tóńireginde toptasqandar úlken otyrysta tóbe kórsetti. Bul qatarda, Senat depýtaty Aqylbek Kúrishbaev pen ekologııa, geologııa jáne tabıǵı resýrstar mınıstriniń orynbasary Serik Qojanııazov ta bar.
Al, Almaty oblysynyń ákimi Qanat Bozymbaev moderator qyzmetin atqardy.
Sharýalar úshin mańyzdy, kóktemgi dala jumystarynyń qarsańynda ótken jınalysta, sý tapshylyǵy men tarıfiniń ósýi, aýylsharýashylyǵyna qajetti tehnıka men tańaıtqyshtardyń baǵamynyń artýy syndy máseleler kóterildi.
Mańyzdy májilistiń basty spıkeri, Erbol Qarashókeev sýbsıdııalaý júıesindegi jańa reforma keler jyldyń basynda iske qosylatynyn jetkizdi. Al bıyl, ishki naryqtyń turaqtylyǵyn saqtaý úshin agroónerkásiptik keshen salasynda sýbsıdııalaý ózgerissiz qalady.
Esterińizge salamyz, aǵymdaǵy jyly atalmysh salany qoldaýǵa 309 mlrd.teńge qarastyrylǵan bolatyn, endi atalǵan somaǵa ústeme 388,2 mlrd.teńge qosylmaq. Bul shara tikeleı memleket basshysynyń tapsyrmasynyń aıasynda júzege asyrylady.
Endigi kezekte qazynadan 63 mlrd. teńge aýyl sharýashylyǵy tehnıkasyn jańartý, sýlandyrý júıesin, jylyjaılar keshenin, sútti qaıta óńdeý obektilerin qurý úshin ınvestıııalyq sýbsıdııalaýǵa bólingenin atap ótken jón.
Mınıstrdiń sózine sensek, buryn kúshi joıylǵan jumyrtqalardy sýbsıdııalaý baǵdarlamasy jalǵasyn tabady, al jumyrtqa baǵytyndaǵy ónerkásiptik qus sharýashylyǵynyń barlyq sýbektileri úshin sýbsıdııalaý normatıvteri birdeı bolyp, 2 eseden joǵarylatylady, ıaǵnı bir jumyrtqaǵa 3 teńgeden baǵalanbaq. Osyǵan qaraı, bıýdjetten 7,5 mlrd. teńge bólinedi dep kútilýde.
Sýbsıdııalaýdyń jańa júıesiniń basty jańalyqtarynyń biri - ıfrlyq formatqa kóshirý. Qazirgi ýaqytta sýbsıdııalaýdyń biryńǵaı memlekettik aqparattyq júıesin ázirleý aıaqtalýda.
Bul degenimiz - jumys zamanǵa saı júrgizilip, qaǵaz bastylyqtan arylyp, máseleniń bir mezette sheshilýine jol salý.
"Búgingi kúni basym mindetterdiń biri egis naýqanyn ýaqtyly jáne sapaly júrgizý bolyp tabylady. Sonymen, qazirgi tańda tehnıka daıyndyǵy 96 paıyzdy qurasa, kóktemgi dala jumystary jappaı júrgizile bastaǵan ýaqytqa 100 paıyzdy quramaq",- dedi QR aýylsharýashylyǵy mınıstri Erbol Qarashókeev.
Jalpy, ákimdikterdiń mınıstirlikke bergen derekteri boıynsha 2022 jyly jalpy egis kólemi 23,1 mln. gektardy quraıdy, bul 2021 jylmen salystyrǵanda 125 myń gektarǵa kóp.
Tutastaı alǵanda, kóktemgi dala jumystaryna daıyndyq máselesi josparly túrde júrip jatyr.
Alqaly jıynda, óńir basshysy Qanat Bozymbaev, "Islam damý" banki arqyly Eskeldi jáne Aqsý aýdandarynyń ırrıgaııalyq júıelerin qalpyna keltirý jumystary júrgizilip jatqanyn atap ótti.
Oblys ákimi ústimizdegi jyly sý únemdeý tehnologııasy alańyn 27 myń gektarǵa jetkizý qajettigin qadap aıtty. Onyń aıtýynsha, aımaqta budan basqa kóptegen jobalar qaıta túzetýge jatady eken. Basty sebep - qarjylandyrýdyń ýaqytyly júzege aspaýy.
Aldaǵy tańda osy jáne ózgede túıitkildi isterdiń kúrmeýi sheshilmek. Ol úshin keler bes jylda agroónerkásiptik keshen ónimderiniń ımportyn almastyrý jáne eksportyn damytý boıynsha 4,1 trln teńge somasyna keminde 582 ınvestıııalyq jobany iske asyrý kózdelýde.
Jaýaptylardyń sózinshe, atalmysh sharalardy qabyldaý aýyl sharýashylyǵy damýynyń ornyqtylyǵyn arttyrýǵa múmkindik beredi.
"Adyrna" ulttyq portaly
