“Reseıdegi barlyq dostaryma elden ketýdi usynamyn”- Marǵulan Seısembaı

8782
Adyrna.kz Telegram
Foto: ashyq derekkózden
Foto: ashyq derekkózden

Soǵysqa qatysty ustanymym týraly taǵy bir aýyz sóz.

  Dostar, men Reseıdiń Ýkraınamen soǵysyndaǵy jaǵdaı kún saıyn nasharlap bara jatqanyn baıqaımyn. Myńdaǵan jazyqsyz azamat mert bolyp, mıllıondaǵan jazyqsyz adam soǵys zardabyn tartyp jatyr. Soǵystyń alǵashqy kúnderinen bastap men Ýkraınany qoldadym, óıtkeni, aqıqat Ýkraına jaǵynda, Reseı oǵan opasyzdyqpen shabýyl jasady dep esepteımin. Biz, bir top belsendiler jáne qoǵam qaıratkerlerimen birlesip, soǵystyń alǵashqy kúnderinde úndeý jarııalap, qarajat jınaýdy jáne Ýkraınaǵa gýmanıtarlyq kómek jiberýdi uıymdastyrdyq. Jalpy alǵanda, biz Ýkraınaǵa gýmanıtarlyq kómek tıelgen 6 ushaq jiberdik. Men qaı jerde sóz sóılesem de, Ýkraına halqyna qoldaýymdy bildirdim de, bildiremin de. Onyń ústine, Qazaqstan Ýkraınadaı baýyrlas halqyna qarsy shyǵyp otyrǵan Reseı agressııasyn eshbir jaǵdaıda qoldamaýy tıis degen ustanymdamyn. Búgin Ýkraına ózi úshin ǵana emes, bárimiz úshin kúresip jatyr, siz ben bizdiń bostandyǵymyz úshin, búkil álemdegi qaýipsizdik úshin kúresip jatyr.

  Bul rette, men búkil orys halqyna qarsy emes ekenimdi túsindirip ótkim keledi. Reseıde meniń dostarym, oqyrmandarym kóp. Men Reseı bıliginiń áreketteri men sheshimderine qarsymyn. Men Pýtın men el bıligindegilerdiń áreketterin qoldap otyrǵan Reseı halqynyń jaýapkershiligin de esh kemite almaımyn. Biraq Reseıde mıy resmı nasıhatpen áli ýlanbaǵan sanaly adamdar da barshylyq. Olar jaǵdaıdy túsiný, aqyl-oıǵa salý jáne synı oılaý qabiletterin áli joǵaltqan joq.

  Múmkindigi bar azamattar elden ketip qaldy, áli de ketip jatyr. Jeke basym Reseıdegi barlyq dostaryma elden ketýdi usynamyn. Biraq munyń bári kóńilime qatty tıedi. Men narazylyq bildirgen naǵyz orys patrıottaryn qoldaımyn, olar túrmege de túsip jatyr, bılik olardyń únin shyǵarmaý úshin baryn salýda, olar bıliktiń naǵyz tutqynyna aınalyp otyr. Reseı bul tek Pýtın ǵana emes. Bul tek el bıligin jaqtaýshy patrıot-symaqtar emes. Reseı degen - bul rejısser Sokýrov, Akýnın, Chıchvarkın, Grebenıkov, Shevchýk, Meladze, Dýd, Navalnyı, Ovsıannıkova jáne basqa da qanshama qadirli, adal jáne uly adamdar, olardyń arasynda meniń dostarym men oqyrmandarym kóp. Bes saýsaq birdeı emes, sondyqtan, bıliktegi bir top adam úshin barlyq orystardy jaýdaı kórýge bolmaıdy.

Bul soǵys múmkindiginshe tez aıaqtalady dep jáne ol aqyry nemen biteri belgili myna bassyzdyq tuńǵıyǵyna elimizdi tartyp áketpeıdi dep úmittenemin.

Marǵulan Seısembaı

Facebook paraqshasynan

Pikirler