Erteń Shymkentte Naýryz qaıda ótedi? - ákimdik jaýap berdi

903
Erteń Shymkentte Naýryz qaıda ótedi? - Shymkent qalasy ákiminiń birinshi orynbasary Shyńǵys Muqan óz feısbýk paraqshasynda Naýryz merekesine oraı qalada qandaı sharalar ótetini týraly aqparat berdi, dep jazady "Adyrna" ulttyq portaly. 
1. «Shymqala». Ǵasyrlyq tarıhy bar kilemder kórmesi, shaıhana, sút ónimderi men táttilerdiń san túri qoıylady. Merekelik keshte qazaq dástúrli mýzykasynyń has maıtalmandary, estrada juldyzdary – Aıgúl Imanbaeva, «Hazar» ulttyq-folklorlyq toby t.b ártister óner kórsetedi.
2. Ortalyq saıabaq. Shymkenttegi eń kóne saıabaq qonaqtardy kóńildi baǵdarlamamen qýantý dástúrinen aınyǵan emes. Estrada juldyzdary, ázil-ospaq teatry, naýryz kóje jáne ınteraktıvti baǵdarlama Ortalyq saıabaqqa kelýshilerdiń nazaryna usynylady.
3. Arbat. Qalanyń súıikti serýendeý aımaǵynda merekelik jármeńke uıymdastyrylady. Onda san túrli sývenırler usynylyp, dástúrli qazaq ashanasy men fotoǵa túsý alańy jumys isteıdi.
4. Ál-Farabı alańy. Basty merekelik kesh ótetin alań. Marjan Arapbaeva, Turar Rahımberlın, Aqerke Tájibaeva syndy otandyq estrada juldyzdarynyń jańa hıt ánderiniń tusaýy kesilip, halyq mýzykasy men etno-folklorlyq týyndylardyń tóltýma ınterpretaııasy saltanat quryp, dám tattyrý men jan jadyratar tosyn syılar kútedi.
5. Dendro saıabaq. Shymkent – talantty jastar shahary. Buǵan Dendro saıabaqqa at basyn buratyn qonaqtardyń kózi jetedi. Shynaıy baıqaýlar, mýzykalyq quttyqtaýlar jáne ınteraktıvti eko-baǵdarlamasy bar.
6. Shymkent ırki alańy. Buqaralyq alańda qonaqtardy ırk ártisteriniń qatysýymen mazmundy mýzykalyq baǵdarlama, sáıgúlikpen serýendeý jáne ınteraktıvti kóńil kóterý baǵdarlamasy kútedi.
7. Metallýrgter saıabaǵy. Bul Naýryz-2022 merekelik alańdarynyń ishindegi otbasylyq alań sanalady. Ishki úılesim, dos-jaran, otbasy men jaqyndardyń arasynda jarqyn ýaqyt ótkizýge, sondaı- aq jaılylyq pen janǵa jaıly áńgime aıtýdy súıetinder úshin taptyrmas oryn.
8. Jeńis saıabaǵy. Shahardyń eń kishkentaı turǵyndary men qala qonaqtaryna arnalǵan alań. Naýryz meıramy barlyq lokaııada saǵ. 10-00-da bastalady. 
Qajymuqan atyndaǵy Ortalyq stadıon. Kóktem – tek tabıǵattyń jańarý kezeńi ǵana emes, sonymen qatar belsendi ómir saltyna qaıta oralý kezi. Stadıon mańynda sport jarystary, dástúrli sport túrleri boıynsha týrnırler, erekshe jarystar uıymdastyrylady.
"Adyrna" ulttyq portaly 
Pikirler
Redakııa tańdaýy