«AMANAT» partııasy «Jastar Rýhy» jastar qanatynyń 4 myńǵa jýyq volonteri «Taza Qazaqstan» jalpyulttyq akııasyna qosyldy. Olar sý tasqynynan zardap shekken turǵyndardyń úılerin retke keltirýge kómektesýde.
Elimizde Memleket basshysy Qasym-Jomart Toqaevtyń bastamasymen «Taza Qazaqstan» jalpyulttyq akııasy qolǵa alyndy. Onyń aıasynda kóshe tazalaý, eldi mekender aýmaǵyn kógaldandyrý jáne abattandyrý, sý tasqynynan keıin qalalar men aýyldardy qalpyna keltirý jumysy júrgizilip jatyr.
Osylaısha, «Jastar Rýhynyń» 4 myńǵa jýyq volonteri sý tasqynynan zardap shekken turǵyndardyń úılerin retke keltirýge kómektesýde. Volonterler tazalyq jumysyn júrgizip, jıhazdar men zattardy keptirýde. Sonymen qatar úı mańyndaǵy úıindilerdi tazartyp jatyr.
Máselen, Aqmola oblysy Ivankovka kentinde 150-den astam adam turyp jatqan 67 úıdi sý basty. Eriktiler úılerdegi jóndeýge keletin tehnıka men turmystyq zattardy aýlaǵa shyǵarýda.
«Búginde sý birtindep azaıyp, turǵyndar úılerine oralýda. Sondyqtan biz birinshi kezekte zeınetkerler men jalǵyzbasty analarǵa kómek kórsetýge keldik. Osyndaı jumys Abaı, Qostanaı jáne Aqtóbe oblystarynda bastaý aldy. Syn saǵatta birligimiz ben yntymaǵymyzdy kórsetý, zardap shekken otbasylarǵa kómek qolyn sozý mańyzdy. Adamdar qıyndyqpen jalǵyz kúrespeýi kerek», – dedi «Jastar Rýhy» jastar qanatynyń tóraǵasy Aqerke Iskanderova.
Partııalyqtar sý tasqynynan zardap shekken Aqtóbe oblysynyń turǵyndaryna da kómek kórsetýde. Jastar qanatynyń belsendileri sý basqan Qobda aýyl turǵyndaryna kómekke keldi. Aıta keteıik, Qobda aýdanynda barlyǵy 200-den astam úı sý astynda qaldy. Zardap shekken turǵyndarǵa shamamen 370 myń teńge kóleminde birjolǵy járdemaqy tólenýde. Úıi qalpyna keltirýge jaramaıtyn turǵyndarǵa jańa baspana salynady. Úı turǵyzylatyn ýchaskeler anyqtalyp, qurylys materıaldaryn jetkizý jumysy bastaldy.
Bul rette, «AMANAT» partııasynyń belsendileri men «Jastar Rýhynyń» volonterleri sý tasqynynan zardap shekken oblystarda ǵana jumys isteýmen shektelmeı, ózge óńirlerde de «Taza Qazaqstan» naýqanyna qosylyp jatyr.
Máselen, Qyzylordada partııa músheleri qalalyq «Eńbek alleıasyn» qoqystan tazartyp, aǵashtardy áktedi. Ulytaý oblysynda belsendiler Joshy hannyń tarıhı-mádenı kesheni aýmaǵynda tazalyq jumysyn júrgizdi. Shymkentte jas rýhtastar Badam ózeniniń jaǵasynda senbilik ótkizse, Almatyda «ALA» baǵyna 300 aǵash ekti. Astana qalasyndaǵy «Jastar Rýhynyń» belsendileri de ıgi isten shette qalmady. Olar «Atatúrik» saıabaǵynda tazalyq jumysyn uıymdastyrdy. Al Abaı oblysynda partııalyqtar Voskresenovka aýylynyń janyndaǵy orman alqabyna qaraǵaı kóshetterin otyrǵyzý jumysyna atsalysty.
