Öskeleŋ ūrpaqtyŋ sanaly tūlǧa retınde qalyptasyp, damuynyŋ özı tıkelei eŋbek etuge üirenuımen bailanysty. Jaqynda Memleket basşysy Qasym Jomart Toqaev «QAZAQSTAN» ūlttyq telearnasyna bergen sūhbatynda "Bız qoǧamda eŋbekqorlyq ideiasyn ornyqtyruymyz kerek. Turasyn aitaiyq, būl qazır eŋ özektı mäsele bolyp tūr. Azamattarymyz adal eŋbekpen tabys tabudy eŋ basty orynǧa qoiuy qajet. Baquatty el bolu bilıktıŋ jūmysyna ǧana emes, ol, eŋ aldymen, ärbır azamattyŋ eŋbegıne bailanysty" dep atady.
Osy tūsta, Qazaqstan injenerlık-tehnologiialyq universitetı studentterdı eŋbekke baulyp, bılıktılıgı men bılımdılıgın arttyra otyryp, sapaly maman daiarlau maqsatynda "SANDYQ" meiramhanasynyŋ bas aspazy Sqaq Manas Manaqbatyrūlymen kezdesu ötkızdı. Manas Sqaq ūlttyq ashanamyzdy jaŋǧyrtyp jürgen aspazdardyŋ bırı.
Aita ketsek, "SANDYQ" meiramhanasy Qazaqstanda gastronomiialyq turizmdy damytu maqsatynda aşylǧan alǧaşqy meiramhana.Negızgı missiiasy qazaq halqynyŋ ūlttyq as mäzırınde sirek daiarlanyp, ūmyt qalǧan taǧam mädenietın qazırgı zaman talabyna sai jandandyru.
Kezdesu barysynda Manas Sqaq studenttermen tanysyp, öz ısınıŋ mamany bolu üşın üzdık bılım alyp, öz bolaşaǧyn dūrys josparlau qajettıgın aityp, studentterge baǧyt-baǧdar berdı. Jiyn sūraq-jauap formatynda ötken tanymdyq oiyndarmen jalǧasyp, qatysuşylarǧa «Mi palau», «Jaubüirek», «Būqpa», «Myjyma» syndy atauy erekşe türlı taǧamdar jaiynda beinejazba ūsynyldy.
Kelesı kezekte oqytuşylar men studentter Bas aspazdyŋ şeberlık-saǧatyn tamaşalady. Būl rette aspaz avtorlyq taǧamnyŋ bırı äzırleu ädısın egjei-tegjeilı baiandap, aspazdyq älemnıŋ qyr-syrymen bölıstı. Közdıŋ jauyn alatyn, dämı tıl üiırer ūlttyq taǧamnan däm tatqan universitet ūjymy men studentter joǧary baǧalady. Şeberlık saǧat aiasynda aspaz studenttermen mol täjıribe almasyp, käsıbi tūrǧyda aqyl-keŋes berdı. Öz kezegınde studentter de qonaqqa arnaiy daiyndalǧan tättılerın ūsynyp, ataqty aspazdyŋ oŋ baǧasyn aldy.
Kezdesu soŋynda Qazaqstan injenerlık-tehnologiialyq universitetınıŋ rektory G.Ä.Sarsenebekova qazaq halqynyŋ erekşe ömır süru salty men san ǧasyrlardan berı qalyptasqan dästürlı as mäzırın nasihattap, bılıktı maman daiyndauda qosqan ülesı üşın Manas Manaqbatyrūlyn alǧys hatpen marapattap, täribelık, patriottyq mänı zor kezdesudı qorytyndylady.
Kezdesu soŋynda Qazaqstan injenerlık-tehnologiialyq universitetınıŋ rektory G.Ä.Sarsenebekova qazaq halqynyŋ erekşe ömır süru salty men san ǧasyrlardan berı qalyptasqan dästürlı as mäzırın nasihattap, bılıktı maman daiyndauda qosqan ülesı üşın Manas Manaqbatyrūlyn alǧys hatpen marapattap, täribelık, patriottyq mänı zor kezdesudı qorytyndylady.
"Adyrna" ūlttyq portaly
